ରହିଥା ଖାଲି ଟାକି
ରହିଥା ଖାଲି ଟାକି
ପ୍ରମୋଦ ମହାନ୍ତି
ରାତି ପାହିଲା ସକାଳ ହେଲା ,
କାଉ ଡାକିଲା କା ,
ସତର ଗଲା ଅଠର ହେଲା ,
ଚାହଁରେ ସାଥୀ ଚାହାଁ ।
ପୁରୁଣା ଗଲା ନୂଆ ଆସିଲା ,
ନୂଆ ବାରତା ନେଇ ,
ସଭିଏଁ ଏଠି ପଢିବେ ପାଠ ,
ଅଳସ ମଠ ନାହିଁ ,
ଉଡିଲା ଗୁଡି ଡେଣା ମେଲାଇ ,
କହିଲା ଟାଆ ଟାଆ ,
ଦୁନିଆ ସାରା ସାଥିଏ ମୋର ,
ଖୁସୀରେ ଭଲା ଥାଆ ।
ନୂଆ ପୁରୁଣା ସବୁ ଆମର ,
କେହି ନୁହନ୍ତି ପର ,
ପୁରୁଣା ଗଲେ ନୂଆ ଆସଇ ,
ସମୟ ଟାଣେ ଗାର ,
ଆଜି କାମକୁ ଆଜି କରିବା ,
ରଖିବା ନାହିଁ ବାକି ,
ଆରେ ସାଙ୍ଗ ଲାଗିବ ବାଗ ,
ରହିଥା ଖାଲି ଟାକି ।