ଉଠିବାକୁ ଦିଅ

ଆଖିପତା ମୁଦି ଆସୁଛି ଏବେ 

ନିଷ୍କ୍ରିୟ ତନୁ ମନ 

ନିଷ୍ଫଳ ଦୁନିଆଁ ନା ଅସଫଳ ବ୍ୟକ୍ତିତ୍ୱ 

ଯାହାବି ହେଉ ଶୋଇବାକୁ ଘଡିଏ 

ଡାକନା ଭେଟଘାଟ ବେଳ ନୁଁହଁ ଇଏ 

ଡ଼ାକିବ ଯେବେ ନଥିବ ପରଶ୍ରୀକାତରତା 

 ଉଠେଇବ ଯେବେ ଖବରୀ ଚଢେଇଟା 

ଖବର ପରଷୁଥିବ ଡାକଵାଲା 

ସାଇକେଲ ବ୍ୟାୟାମରେ ଓଡିଶା ବୁଲା 

ମନ ପଞ୍ଚୁରୀରୁ ଫିଟିବ ତାଲା 

କଲରା ଖାଇବାକୁ ଅଡ଼ି 

ବାନ୍ଧି ପୁଟୁଳି ପେଡି 

ଖୋଲିବ ପାଦରୁ ବେଡି 

ଡାକୁଥିବ ସ୍ୱାଧୀନତା ହେବାକୁ ଚେତା 

ପୋଛି ଚିତା ପିନ୍ଧି କାଚ ମାଳି ସହିଷ୍ଣୁତା 

ପୁଣି ଶୁଭୁଥିବ ପକା କମ୍ବଳ ପୋତ ଛତା 

ଶୁଣୁ ଅବୋଲକରା କହୁଛି କଥା