କଳା
କଳା
ସକାଳୁ ସକାଳୁ ମାନିନୀ ହାତରେ ହଳଦି,କ୍ଷୀର ଓ ଚନ୍ଦନ ମିଶା ପେଷ୍ଟ ଗିନାଟିଏ ଦେଇ ମା'କହିଲେ-"ଯା' ଶୀଘ୍ର ଗାଧୋଇ ଆସିବୁ।"ହଁ ଭଲକି ମୁହଁ ଓ ହାତରେ ଲଗେଇବୁ।ସେମାନେ(ମାନିନୀକୁ ବରପକ୍ଷ ଦେଖିବାକୁ ଆସୁଥିଲେ) ଆସିବା ସମୟ ହେଇ ଗଲାଣି।ମୁଁ ୟାଡେ ସବୁ ଯୋଗାଡି ଦିଏ।
ହେଲେ ମୀନିନୀ ଭାବୁଥିଲା-"ଏଇ ଈଶ୍ବର ପ୍ରଦତ୍ତ କଳା ରଙ୍ଗଟା କ'ଣ ଗୋଟେ ଦିନରେ ବଦଳି ଯାଇପାରିବ କି?"ହଉ ଛାଡ......... ଦୀର୍ଘଶ୍ବାସଟିଏ ପକାଇଲା ଓ ଗାଧେଇବାକୁ ଗଲା।
ପୁଅଘର ଆସି ଯଥାବିଧି କାର୍ଯ୍ଯକ୍ରମ ସାରି ଫେରି ଗଲେ।
ଦୁଇଦିନ ପରେ ମଧ୍ଯସ୍ଥି ଖବର ଦେଲେ ଯେ -ସେମାନଙ୍କୁ କୁଆଡେ ଝିଅର ରଙ୍ଗଟା ପସନ୍ଦ ହେଲାନି।
ଏଖବର ପାଇ ମାନିନୀର ବାପା ମା ନିରାଶ ହେଇଗଲେ।
ମାନିନୀ କିନ୍ତୁ ଝରକା ପଟେ ବାହାରକୁ ଦେଖୁଥାଏ ଓ ଭାବୁଥାଏ ଯେ-ତା'ଦେହର ରଙ୍ଗ, ନା ବରପକ୍ଷର ଚିନ୍ତାଧାରା........ଏ ଦୁଇଟାରୁ ବେଶୀ କଳା କେଉଁଟା???
ନିବେଦିତା ମିଶ୍ର