କାହାଣୀ: ଜୀବନର ଚଲାପଥେ

ଜୀବନର ଚଲାପଥ ସମସ୍ତଙ୍କ ପାଇଁ ସମାନ ହୋଇନଥାଏ। କାହା ପାଇଁ ଏହା ମସୃଣ ତ ଆଉ କାହା ପାଇଁ କଣ୍ଟକିତ। ଅମିତର ଜୀବନ ପଥ ବି କିଛି ସହଜ ନଥିଲା। ପିଲାଦିନୁ ବାପାଙ୍କୁ ହରାଇବା ପରେ, ମାଆ ପର ଘରେ କାମ କରି ତାକୁ ପାଠ ପଢ଼ାଉଥିଲେ। ଅମିତ ମନ ଦେଇ ପଢୁଥିଲା, କାରଣ ସେ ଜାଣିଥିଲା ଯେ ଏହି ଦୁଃଖର ସମୟକୁ କେବଳ ତାର ସଫଳତା ହିଁ ବଦଳାଇ ପାରିବ।ଦିନେ ତାର କଲେଜ୍‌ର ବଡ଼ ପରୀକ୍ଷା ଥିଲା। ସେହିଦିନ ହିଁ ସକାଳୁ ପ୍ରବଳ ବର୍ଷା ଆରମ୍ଭ ହୋଇଗଲା। ରାସ୍ତାରେ ଆଣ୍ଠୁଏ ଆଣ୍ଠୁଏ ପାଣି, କୌଣସି ଗାଡ଼ି ମଧ୍ୟ ମିଳୁନଥିଲା। ଅମିତର ସାଙ୍ଗମାନେ ବର୍ଷା ଦେଖି ଘରୁ ବାହାରିଲେ ନାହିଁ। କିନ୍ତୁ ଅମିତ ଭାଙ୍ଗି ପଡ଼ିଲାନି। ସେ ନିଜ ମାଆର ସଂଘର୍ଷକୁ ମନେ ପକାଇଲା ଏବଂ ସେହି ବର୍ଷାରେ ପାଦରେ ଚାଲି ଚାଲି ପରୀକ୍ଷା ହଲ୍‌ରେ ପହଞ୍ଚିଲା।ବର୍ଷ ବର୍ଷର ସେହି କଠିନ ପରିଶ୍ରମ ଓ ଜୀବନର ଝଡ଼ଝଞ୍ଜାକୁ ସାମ୍ନା କରିବା ପରେ, ଆଜି ଅମିତ ଜଣେ ବଡ଼ ଅଫିସର। ଯେଉଁ ଚଲାପଥରେ ଦିନେ କେବଳ କଣ୍ଟା ଆଉ କଷ୍ଟ ଥିଲା, ଆଜି ସେହି ପଥରେ ସଫଳତାର ଫୁଲ ଫୁଟିଛି।