End of Summer Sale for children. Apply code SUMM100 at checkout!
End of Summer Sale for children. Apply code SUMM100 at checkout!

Chhabi rani Pati

Inspirational


5.0  

Chhabi rani Pati

Inspirational


ଏକଶ୍ଚନ୍ଦ୍ର ସ୍ତମୋହନ୍ତି

ଏକଶ୍ଚନ୍ଦ୍ର ସ୍ତମୋହନ୍ତି

7 mins 574 7 mins 574


           " ନାକ ତଳ ନିଶ ବଙ୍କା ହୋଇଗଲେ

                   କାହାର କି'ଅବା ଦୋଷ

             ନିଜ ଅକର୍ମଣ୍ୟ ପ୍ରମାଣିତ କରେ

                   ଜନେ ହୁଏ ଉପହାସ "


         ଗୋଦରାଙ୍କ ପରି କୋଡ଼ି କୋଡ଼ି ଶେଷରେ ମାଡି ଚାଲିଲେ ; ଶ୍ରମ ବ୍ୟର୍ଥ ହୁଏ ସିନା କିନ୍ତୁ , କେବେବି ସାର୍ଥକ ହୁଏନି । ହଁ , ଏ'କଥା ସତ୍ୟ ଯେ ' " ଗୋଟେ , ସୁସ୍ତ ମାନସିକତାର ଜନ୍ମ ଦାତା ସବୁବେଳେ , ଗୋଟେ ସୁସ୍ତ ବାତାବରଣରୁ ହିଁ ସୃଷ୍ଟି ହୋଇଥାଏ " । ଅସୁସ୍ତିକର ପରିବେଶ ମନରେ ଭରି ଦିଏ ଖାଲି .... ଦୁଃଖ , ଅବସାଦ , ଦୁଃଶ୍ଚିନ୍ତା ଆଉ ପୁଳା ପୁଳା ନିଷ୍ଫଳ ଆସ୍ପାଦନ । ହର୍ଷ ଉଲାସ ରେ ନିଜକୁ ସର୍ବଦା ଖୋଲା ଆକାଶ ର ମୁକ୍ତ ବିହଙ୍ଗ ଟେ ପରି ଉନ୍ମୁକ୍ତ କରି ଖୋଲି ଧରିଲେ ମିଳିଥାଏ ଅନେକ ଆଶାର ଆଲୋକ ଓ ଖୋଲା ଆଖିର ସ୍ବପ୍ନ । ସେହି ସ୍ୱପ୍ନକୁ , ବାସ୍ତବତାର ରୂପ ଦେବାକୁ ଯାଇ ବୁଦ୍ଧି , ବିବେକ ଏବଂ ଜ୍ଞାନ- କୌଶଳରେ ମଣିଷ ଆବିଷ୍କାର କରେ ବିବିଧ ଉପାୟର କଳ୍ପନା-ଜଳ୍ପନା । ବିନା ଦ୍ବିଧାରେ ଭରିଚାଲେ ସେଥିରେ ଇନ୍ଦ୍ରଧନୁର ସୁନେଲି ସପ୍ତରଙ୍ଗ । ଆଉ ନିଜକୁ ଲକ୍ଷ ଲକ୍ଷ ତାରା ମାନଙ୍କ ଭିତରେ ଶୁଭ୍ର ଜୋଛନା ଭରା ଉଜ୍ଜ୍ୱଳ ଦେହଳି ଟେ କରି ପରିପ୍ରକାଶ କରେ ଏ'ସାରା ଜଗତରେ । ଯେଉଁ ଆଲୋକର ସମକକ୍ଷ ଅସଂଖ୍ୟ ତାରା , ଗ୍ରହ ,ନକ୍ଷେତ୍ର ସପ୍ତଶ୍ରୀ ମଣ୍ଡଳ ଅବା ଗ୍ରହାନୁପୁଞ୍ଜ ସମସ୍ତେ ମିସିକି ବି' ହୋଇପାରନ୍ତିନି ସତ ଚେଷ୍ଟା ସତ୍ତ୍ୱେ ।


 " ଏକ ଶ୍ଚନ୍ଦ୍ର ସ୍ତମୋହନ୍ତି.... ନ'ଚୋୖ ତାରା ଗନୌ ପିଚ " ।


ଠିକ , ସେହିପରି ଥିଲା ସୁଶ୍ରୀ । ନିମ୍ନ ମଧ୍ୟବିତ୍ତ ଠୁଁ ବି ' ଆହୁରି ନିମ୍ନ ( ଗରିବ କହିଲେ ଅତିଉକ୍ତି ହେବନି ) ପରିବାରରେ ତା'ର ଜନ୍ମ ଥିଲା । କହିବାକୁ ଗଲେ ଖାଲି ଦୁଃଖେ- ସୁଖେ ଖାଇ- ପିଇ ବଂଚିଯିବାର କ୍ଷମତା ଥିଲା କେବଳ ତାଙ୍କର । ବାପା , ହାଟ ବଜାରରେ ପନିପରିବା ବିକ୍ରି କରି ଚଳାଇ ନିଅନ୍ତି ଯହିଁ ଯେମିତି । ପୁଅ ଝିଅ ମିସିକି ପାଞ୍ଚ ଜଣ । ଏତେ ଗୁଡିଏ ପେଟ ଓ ପିଠି ଜଗିଲା ବେଳକୁ ସରିଯାଏ ସବୁ ପାରିଶ୍ରମିକ । ତେଣୁ, ପିଲାମାନେ ଯତେଇ କତେଇ ଯିଏ ଯେତେ ବାଟ ଗଲା ପାଠ ପଢ଼ାରେ । ଘର ପାଖ ସରକାରୀ ସ୍କୁଲରେ ପାଠ ପଢ଼ନ୍ତି ସମସ୍ତେ । କିଏ ପଞ୍ଚମ ତ' କିଏ ସପ୍ତମ ଆଉ କିଏ ଅଣ୍ଡରମେଟ୍ରିକ । ବାଧ୍ୟତାମୂଳକ ନୀତି ନିୟମ ନ'ଥିଲା କାହାରି ପାଇଁ । କାରଣ ଅଣ୍ଟାରେ ସମ୍ବଳ ନ'ଥିଲା ଟିଉସନ ଦେଇ ଅବା ଭଲ ସ୍କୁଲ ଦେଖି ପାଠ ପଢେଇବାକୁ । ଖାଲି , ଟିକେ ବିଶେଷ ଲୋଭ ଥାଏ ପୁଅ ଦୁଇଟା ଙ୍କ ଉପରେ । ଭଲରେ ଦୁଇ ଅକ୍ଷର ପଢିଯାନ୍ତେ କି' ନିଜ କଥା ତ' ନିଜେ ବୁଝିବାକୁ ସକ୍ଷମ ହୋଇପାରନ୍ତେ । ଆମ ବୃଦ୍ଧବସ୍ଥା ରେ ଛାଡ ।  ଭାଗ୍ୟର ବିଡମ୍ବନା ବି' ଥିଲା ବଡ଼ ବିଚିତ୍ର । ତିନୋଟି ଯାକ ଝିଅ ଯେଉଁଠି ପେଜ ତୋରାଣି ମୁନ୍ଦାକ ପିଇ ଦେଇ ଯାଆନ୍ତି ସ୍କୁଲକୁ ସେଠି , ସେହି ଭାତ ଗଣ୍ଡାକ ପୁଅ ଦୁଇଟି ଯାକ ଖାଇ, ଯାଆନ୍ତି ସ୍କୁଲ ନାଁରେ ଖେଳ ପଡିଆ , ନଦୀ କୁଳ ଅଥବା ପଠା - ତୋଟା କୁ । ବେଶ ମଉଜ ମଜଲିସ କରି ଖେଳକୁଦ ସାରି ଫେରନ୍ତି ଘରକୁ ଉପରଓଳି । ଦିନେ ସ୍କୁଲ ମାଷ୍ଟ୍ରେ ହାଟରୁ ପରିବା କରୁ କରୁ ଦେଖିଲେ ରାମ ବାବୁ ଙ୍କୁ । ନ'କହି ରହିପାରିଲେନି' ଝିଅ, ସୁଶ୍ରୀର ଜ୍ଞାନ , ଜିଜ୍ଞାସା ମନବୃତ୍ତି ଆଉ ପ୍ରତିଭା ବିଷୟରେ । ଏତେ ସମାୟାନୁ ବର୍ତ୍ତିତା ଏବଂ ବିଦ୍ୟା ପ୍ରତି ନିଷ୍ଠା ତାଙ୍କୁ ଅଭିଭୂତ କରିଦେଇଥଲା ବୋଲି ସେ' ପ୍ରଶଂସା ଅଜାଡ଼ି ପକାନ୍ତେ  ବାପା ,( ରାମ ବାବୁ) ଖୁସି ତ'ହୁଅନ୍ତି ମାତ୍ର , ପଚାରି ବସନ୍ତି .....ଦୁଇ ପୁଅଙ୍କ ପାଠ ବିଷୟରେ । ମାଷ୍ଟ୍ରେ ଙ୍କର ପ୍ରଫୁଲିତ ହସ ହସ ମୁହଁଟି ପଡ଼ିଯାଏ ସଙ୍ଗେ ସଙ୍ଗେ ଫିକା । କୁହନ୍ତି , ତାଙ୍କୁ ଖାଲି ଭଗବାନ ସାହା । ମୂର୍ଖ କାଳିଦାସ ଠାରୁ ବି' ଆହୁରି ଗଜମୁର୍ଖ ଦିଇଟା ଯାକ । ସେମାନେ ତ'ମାସକୁ ଚାରିଟା ଦିନବି' ସ୍କୁଲର ଦୁଆର ମୁହଁ ମାଡନ୍ତିନି ,,, ଆଉ ତୁମେ ପାଠ କଥା କ'ଣ ପଚାରୁଛ ହେ । ଜୀବନର ସବୁ ପାଠ ସରିଯିବ ଆଯହୁଁ ସେମାନଙ୍କ ଉପରେ ଟିକେ ନିଘା ରଖ ହେ '  ନ'ହେଲେ " ନେଡି ଗୁଡ଼ କହୁଣିକୁ ବୋହିଯିବ " ଯେ ' ଆଉ ବୁଦ୍ଧି ଦିଶିବନି କି, ବଳ ମଧ୍ୟ ପାଇବନି । ସମ୍ଭାଳି ନିଅ ଯେତେ ଶୀଘ୍ର ପାରୁଛ ; ସେ' 'ଦଣ୍ଡା ବାଳୁଙ୍ଗା ' ଦିଟା ଙ୍କୁ । ଏ'ସବୁ ଶୁଣି ବହୁତ ଦୁଃଖିତ ହୋଇଗଲେ ବାପା । ଝିଅ ଗୋଟେ ବାହା ହେବାକୁ ହୋଇଗଲାଣି । ବଢ଼ିଲା ଝିଅକୁ କେତେଦିନ ଆଉ ରଖିବେ ଘରେ ଏଣେ , ତା' ପଛକୁ ପଛ ଆହୁରି ଅଛନ୍ତି ମନେ ପଡିଯାଉଥାଏ ରହି ରହିକି ; ମାଷ୍ଟ୍ରେ ଙ୍କ କଥା । ଝିଅ ର ପ୍ରଶଂସା ବି' ପୁଅର ନିନ୍ଦା ବି' । ଛିଣ୍ଡା ପିନ୍ଧି , ପେଜ ତୋରାଣୀ ପିଇ ଯାହା ହେଉ ; ଆଜି ପାଞ୍ଚ ଲୋକରେ ଗର୍ବରେ ମୋର ଛାତି ଫୁଲେଇ ଦେଲା । ଆଉ ସେଇ ପାଞ୍ଚ ଲୋକରେ ଏ ' କୂଳାଙ୍ଗାର ଦି'ଟା ଲଜ୍ୟାରେ ମୁଣ୍ଡ ମୋର ତଳକୁ କରିଦେଲେ । ଶେଷରେ ଭଲ ମନ୍ଦ ଖୁଆଇ ଗେଲ୍ହା ରେ ବଢେଇବାର କ'ଣ ଏଇ ପରିଣାମ  ଗୋଖା , ଅକାଳ କୁଷ୍ମାଣ୍ଡ ଦୁଇଟା ଯାକ । ଝିଅ ଗୁଡାଙ୍କୁ ପର ଘରକୁ ଭାବି ବୋଝ ପରି ମଣି  କେବେବି ଆଦର କରିନାହିଁ । ଏଇ ପୁଅଟିଏକୁ ଚାହିଁ ଚାହିଁ ତିନୋଟି ଝିଅ । ଶେଷରେ ଭଗବାନ ଦେଲେ ଯେ' ପୁଣି ଯାଆଁଳା ଅକାଳ କୁଷ୍ମାଣ୍ଡ ; ବଳଦ ଦିଇଟା । ଏହିପରି ଅନେକ ଦୁଃଶ୍ଚିନ୍ତା ରେ ଭାରାକ୍ରାନ୍ତ ହୋଇ ଫେରନ୍ତି ଘରକୁ । ଆଉ , ସେ'ଗୋଖା ଦିଇଟା ଙ୍କୁ ଡାକି ପିଟନ୍ତି ନିର୍ଦ୍ଧୁମ । କିନ୍ତୁ , ଅସହିଷ୍ଣୁ ଭାଇ ଦୁଇଟା ଯାକ ରାଗି ଯାଆନ୍ତି ପରୋକ୍ଷ ରେ ସୁଶ୍ରୀ ଉପରେ । ନଇକି ଗାଧୋଇ ଯାଇଥିଲା ବେଳେ ଉଭୟ ଛକିଛକି ପେଲି ଦିଅନ୍ତି ନଇ ଭିତରକୁ ସୁଶ୍ରୀ କୁ । କିନ୍ତୁ , 

" ଯାହାକୁ ରଖିବେ ଅନନ୍ତ , କି' କରି ପାରେ ବଳବନ୍ତ "

 ପ୍ରତକ୍ଷ ଦର୍ଶୀ ସ୍ଥାନୀୟ ଲୋକେ ସେଠୁ ଉଦ୍ଧାର କରିନିଅନ୍ତି ସୁଶ୍ରୀ କୁ । ଏବଂ , ଭାଇ ମାନଙ୍କୁ କରନ୍ତି ଅନେକ ତିରସ୍କାର , ନିନ୍ଦା ଆଉ ନିନ୍ଦା ।

       ଦିନ ଗଡିଚାଲେ ତା'ବାଟରେ । ସୁଶ୍ରୀ ଜିଲ୍ଲା ସ୍ତରୀୟ ଟପ୍ପର ହୋଇ ଉତ୍ତୀର୍ଣ୍ଣ ହୁଏ ମେଟ୍ରିକ ପରୀକ୍ଷାରେ । ସରକାର ଙ୍କର ମେଧାବୃତ୍ତି ଅନୁଦାନ ରେ ଚଳି ଯାଉଥିଲା ତା'ର ପାଠପଢ଼ା ଖର୍ଚ୍ଚ ବାର୍ଚ୍ଚ । ମାତ୍ର , ଏବେ ସେ ' କରିବ କଣ କେମିତି ପଢିବ ଆଗକୁ  ତା' ଆଗରେ ଛିଡା ହୋଇଯାଏ ବିରାଟ ପ୍ରଶ୍ନର ପାହାଡ଼ ।  " ଭଗବାନ ବଡ଼ ଲୋକ " ନିଶ୍ଚିନ୍ତ ଭାବେ । 'ସୁଯୋଗ ସେହି ଠାରେ ସୃଷ୍ଟିହୁଏ ଯେଉଁଠି ଥାଏ , ପ୍ରବଳ ଇଛା ଶକ୍ତି '। ଗୋଟେ ସମ୍ବର୍ଦ୍ଧନା ପର୍ବରେ ଜିଲ୍ଲାପାଳ ରଖୁଥାନ୍ତି ତାଙ୍କର ଅଭିଭାଷଣ । କଥା ପ୍ରସଙ୍ଗରେ କରିବସିଲେ ମଧ୍ୟ ସୁଶ୍ରୀର ଅନେକ ପ୍ରଶଂସା ଆଉ ତାର ଉତ୍ତୋରତର ଉର୍ଣ୍ଣତି ତଥା ଉଜ୍ବଳ ଭବିଷ୍ୟତର କାମନା । ସେହି ଉତ୍ସବରେ ଉପସ୍ଥିତ ଥାଏ ସୁଶ୍ରୀ ।  ଯେତେବେଳେ ଷ୍ଟେଜ଼କୁ ସମ୍ବର୍ଦ୍ଧନା ଉଦ୍ଧେଶ୍ୟରେ ତାକୁ ଡକାଯାଇଥିଲା ସେ' ଅନୁରୋଧ କରିଥିଲା ......କିଛି ବକ୍ତବ୍ୟ ରଖିବା ଲାଗି । ଅନୁମତି ମଧ୍ୟ ମିଳିଗଲା । ଆଉ , ଟିକେ ପୂର୍ବର ଜିଲ୍ଲାପାଳ ଙ୍କର ଉକ୍ତି କୁ ଉଦ୍ଧୃତ କରି ଚାହିଁ ଥିଲା ଉଚ୍ଚଶିକ୍ଷା ଲାଗି ଟିକେ ସହାନୁଭୂତି ଆଉ , ଟିକେ ସହଯୋଗର ହାତ ।     

       " ଇଛା ଥିଲେ , ଉପାୟ ଆପେ ଆପେ ଆସେ " ।


ସେଥିପାଇଁ ବି' ପ୍ରଥମ ଓ ପ୍ରକୃତ ପ୍ରୟାସ ନିଜକୁ ହିଁ କରିବାକୁ ହୋଇଥାଏ । ପ୍ରତିଭାକୁ ସଂମାନ ଓ ଉତ୍ସାହିତ କରୁଥିବା କିଛି ଲୋକଙ୍କ ଓଗେର ଜିଲାପାଳ ମଧ୍ୟ ବଢେଇ ଦିଅନ୍ତି ତା' ଆଡ଼କୁ ସହଯୋଗର ହାତ । ସେତିକି ପ୍ରଶଂସାରେ ସେ' ପୋତି ହୋଇ ନ'ଯାଇ ବରଂ ଆରମ୍ଭ କଲା ତା' ଜୀବନର ଏକ ନୂଆ ଜୟ ଯାତ୍ରା । ମନବଳ ଦୃଢ଼ କରି ଆଗେଇ ଚାଲିଲା ନିଜର ତଥା ଶୁଭେଶଛୁ ମାନଙ୍କର ଆଶା ଅଭିଳାସାକୁ ଚରିତାର୍ଥ ଉଦ୍ୟେଶ ରେ କରିଲା ଆପ୍ରାଣ ଉଦ୍ୟମ ।


          ସେ' ଆଜି ହୋଇପାରିଛି ଜଣେ ବେଶ ଜଣାଶୁଣା ବୈଜ୍ଞାନିକ । ସମାଜରେ ତା'ର ଆଜି ବେଶ ପ୍ରତିଷ୍ଠା । ବଦଳି ଯାଇଛି ସମସ୍ତଙ୍କର ରଂଗଢଙ୍ଗ । ଚାଳ ଛପର ମାଟି ଉପରେ ଛିଡା ହୋଇଯାଇଛି ସୁଉଚ୍ଚ ଅଟ୍ଟାଳିକା । ବାପା ଏବେ ଆଉ ହାଟ ବଜାରରେ ବିକି ଯାଉନାହାନ୍ତି ପନିପରିବା । ଦୁଇ ଭଉଣୀ ବେଶ ଆନନ୍ଦରେ ଅଛନ୍ତି ଯେଝା ସଂସାରରେ । ମାଆ , ଇହ ଧାମ ପରିତ୍ୟାଗ କରି ,ଶାନ୍ତିରେ ସୋଇ ଯାଇଛନ୍ତି  ଚିର ନିଦ୍ରାରେ । ସବୁ ଠିକଠାକ । ମାତ୍ର , ବିପଥଗାମୀ ଭାଇ ଦୁଇଟା ଙ୍କ କଥା କହିଲେ ନ'ସରେ । ତାଙ୍କୁ ରୋଜଗାର କ୍ଷମ କରି ଥଇଥାନ କରିବାକୁ କରିଛି ଅନେକ ପ୍ରୟାସ । ହେଲେ , ସବୁ ଅର୍ଥକୁ ଜୁଆ , ନିଶାପାଣି ଓ ବ୍ୟଭିଚାରୀ ନାରୀ ମାନଙ୍କ ପଛରେ ଉଡାଇ ଛାର ଖାର କରିଦେଲେଣି ସେମାନେ ନିଜ ଜୀବନକୁ । ଘରେ ଭାଇ ମାନଙ୍କର ଏ'ପରି ଦୁର୍ଦାନ୍ତ ନୀତିକୁ ଦେଖି ଖାଲି କାକୁସ୍ତ ଟେ ପରି ଚାହିଁରହେ ବାପା ଙ୍କୁ । ବାପା ବି' ବଲବଲ ହୋଇ ଚାହିଁ ରୁହନ୍ତି ଅନେକ ଆଶା ନେଇ ଝିଅକୁ । ସୁଶ୍ରୀ ଚିନ୍ତାଗ୍ରସ୍ତ ହୋଇପଡେ । କ'ଣ ହୋଇପାରେ ଏହି ସମାସ୍ୟାର ସମାଧାନ  ଭାଇ ମାନଙ୍କ ହାବ ଭାବରୁ ଜାଣିପାରେ ସବୁକିଛି ।

            " ଚେଇଁ ସୋଇଥିବ ଯିଏ , ତାକୁ ଉଠେଇବ କିଏ"


   ଠିକ- ଭୁଲ   ସବୁ ବୁଝନ୍ତି । ଜଣେ ଆଉ ଜଣଙ୍କର ପ୍ରରୋଚନାରେ ପଡି କାନ୍ଧରେ କାନ୍ଧ ମିଳେଇ ଚଳେଇଥାନ୍ତି ରୀତିମତ ଗୁଣ୍ଡାରାଜ  ଆଉ, ଲଙ୍କାକାଣ୍ଡ ।  ସୁଶ୍ରୀ ମନେ ମନେ ସ୍ଥିର କରେ ନାହିଁ, ପ୍ରଥମେ ଏ'ଦୁଇ ଜଣଙ୍କୁ ଅଲଗା କରିକି ଦେଖିବା ବୋଧ ହୁଏ ସୁଧୁରିଯିବେ ।  ଏହିପରି ଭାବୁଥିଲା ଅନେକ କଥା । ହଟାତ ଶୁଭିଲା କାହାରି ପାଟି । କାନେଇଲା ଦୌଡ଼ି ଆସରେ ମାଧିଆ , ରାଧୁଆ ନଇରେ ଭାସିଗଲେ ।


           ପେଟ ଭର୍ତ୍ତି ମଦ ସେ'ଥିରେ ଆଖିଭର୍ତ୍ତି ଗଞ୍ଜେଇ ର ନିଶା । ଲୋକେ କହୁଛନ୍ତି , ନଦୀକୂଳେ ବସି ଦୁହେଁ କରୁଥିଲେ ନିଶା ସେବନ । ଏକ କରିବାକୁ ଯାଇ ଜଣେ ଖସିଗଲା ଯେ' , ଯାଇଛି ତଳକୁ ତଳକୁ । ଦେଖୁ ଦେଖୁ ଟାଣିନେଉଥିଲା ବଢ଼ିଲା ନଈ ର ପ୍ରଖର ସ୍ରୋତ । ଏହା ଦେଖି , ଆଉ ଜଣଙ୍କର କାମକଲା ନାହିଁ ବୁଦ୍ଧି । ସହଜେ ତ' ମୂର୍ଖ ଗୁଡାକ, ଅଳ୍ପ ବୁଦ୍ଧିଆ । ତେଣୁ ; ପହଁରା ନ'ଜାଣି ବି' ସାଙ୍ଗ ଠାରୁ ବଳିକି, ଭାଇକୁ ଭାସିଯିବାର ଦେଖି ଡେଇଁ ପଡିଥିଲା ପାଣିକୁ । ତାକୁ ବଞ୍ଚେଇବ କଣ ବରଂ ନିଜକୁ ବି' ପାରୁନଥିଲା ବଞ୍ଚେଇ । ଉଭୟ ଭାସିଯାନ୍ତି ଢେର ବାଟ । ଏହା ଶୁଣି ଗାଁ ରୁ ସମସ୍ତେ ଧାଆନ୍ତି ଘଟଣା ସ୍ଥଳୀକୁ । କିନ୍ତୁ , ସୁଶ୍ରୀ ଫାୟାର ଅଫିସକୁ ଫୋନ କରିଦେଇ ହାତରେ ଟର୍ଚ୍ଚ ଆଉ ଦୌଡା ଧରି ଧାଏଁ ନଦୀକୁ । ଅନ୍ଦାଜ କରି ସେଇଜେଗାକୁ ଯାଏ ସମୟ ଆଉ ନଦୀର ସୁଅ କୁ ଆକଳନ କରି । ପହଞ୍ଚେ ଅନତିଦୂର ନଦୀର ଅଣଓସାରିଆ ମୁହାଁଣ ରେ । ଟର୍ଚ୍ଚ ମାରି ଇସାରା କରେ ଆଗ ଭାଇ ମାନଙ୍କୁ । ନଦୀକୂଳରେ ଥିବା ବରଗଛରେ ଦୌଡ଼ିଟିକୁ ବାନ୍ଧିଦେଇ ଦଉଡି ର ଆର ପଟ ଟି'କୁ ନିକ୍ଷେପ କରେ ଭାଇମାନଙ୍କ ଆଡକୁ । ଚିତ୍କାର କରି ଡାକ ମାରେ ସମସ୍ତଙ୍କୁ । ସୁଶ୍ରୀର ଉପସ୍ଥିତ ବୁଦ୍ଧି ଆଉ , ସମସ୍ତଙ୍କର ସହଯୋଗରେ ନିଶ୍ଚିତ ମୃତ୍ୟୁକୁ ପଛରେ ପକାଇ ବଞ୍ଚିଯାଏ ଦୁଇଟି ଜୀବନ । ନିଜ ନିର୍ବୋଧତା ରୁ ଆକସ୍ମିକ ଦୁର୍ଘଟଣାରେ ପଡିବାରୁ ଏବଂ ସାନ ଭଉଣୀ ଟିର ବିଚକ୍ଷଣ ବୁଦ୍ଧି ର ପ୍ରୟୋଗରେ ନୂଆ ଜୀବନ ପାଇଥିବାରୁ ଦୁଇ ଭାଇଙ୍କର ମନ ପଡ଼ିଯାଏ ସେହି ପିଲାଦିନର ଦୁର୍ବୁଦ୍ଧିଗୁଡା । ନିଜ ପାଖେ ନିଜେ ଲଜ୍ଜିତ ହୁଅନ୍ତି ଦୁହେଁ । ଦୋହଲି ଯାଏ ତାଙ୍କର ଅନ୍ତର ଆତ୍ମା । ମୃତ୍ୟୁ କୁ ଅତି ପାଖରୁ ଦେଖି ସାରିଲାପରେ ବଦଳି ଯାଏ ଦୁଇ ଭାଇଙ୍କର ଜୀବନ ଧାରା । ତାସଚଲ୍ୟ , ଅପମାନ , ନିନ୍ଦା , ମାଡ଼ ,ଗାଳିଗୁଲଜ ଯେଉଁମାନଙ୍କ ଉପରେ ପଡୁନଥିଲା ଟିକେ ବି' ପ୍ରଭାବ କି ଆସୁ ନଥିଲା କିଛି ବି' ପରିବର୍ତ୍ତନ  ସେହି କୁଶ୍ଚିତ ମାନସିକତାରେ ଆସିଯାଏ ହଟାତ ବିରାଟ ପରିବର୍ତ୍ତନ । ଏସବୁ ସମ୍ଭବ ହୋଇପାରିଛି କେବଳ ସୁଶ୍ରୀ ର ସ୍ଥିରଚିତ୍ତ , ଉପସ୍ଥିତ କ୍ଷିପ୍ର ବୁଦ୍ଧିରୁ । ସୁଶ୍ରୀ ର ସାହାଯ୍ୟ , ସହାନୁଭୁତି ରୁ ଆଜି ତାର ଦୁଇ ଭାଇ ନିଜ ନିଜ ସୁଖ ସଂସାରରେ ବ୍ୟସ୍ତ । ସମସ୍ତ ପ୍ରକାର ନିଶାରୁ ନିବୃତ୍ତ ରହି , ଏବେ ସେ' ନାରୀ ମାନଙ୍କୁ ଦେଉଛନ୍ତି ମା' ଭଉଣୀଙ୍କ ଉଚ୍ଚିତ ସଂମାନ । ଆଜି ସେମାନେ ସାମାଜିକ ନୀତି , ନିୟମ ଓ ଶୃଙ୍ଖଳାର ବନ୍ଧନରେ ଆବଦ୍ଧ କେବଳ ତାଙ୍କ ସୁନା ଭଉଣୀ ସୁଶ୍ରୀ ପାଇଁ । ଏହି ବିରାଟ ପରିବର୍ତ୍ତନ କେବଳ ଏଇ ଦୁଇ ଜଣଙ୍କର ହୋଇନାହିଁ ବରଂ ; ଏହି ଘଟଣା କୁ ନେଇ ଆଖ ପାଖ ଅଞ୍ଚଳ ରେ ବେଶ ଆଲୋଡନ ସୃଷ୍ଟି କରିପାରିଛି ସମସ୍ତଙ୍କ ହୃଦୟରେ । ଏହି ମାର୍ମିକ କାହାଣୀରେ ଆଜି ସମସ୍ତେ ପ୍ରେରିତ । ତାର ପ୍ରତିଫଳନ ରେ ସୁଧୁରି ଯାଇଛି ଅନେକ ଜୀବନ ଅନେକ ଅସାମାଜିକ ଯୁବଗୋଷ୍ଟି । (ଜୟ ଜଗନ୍ନାଥ )



Rate this content
Log in