ଵଳରାମ ତରାଈ

Tragedy Crime

5.0  

ଵଳରାମ ତରାଈ

Tragedy Crime

ଦୋକାନ

ଦୋକାନ

2 mins
280


ଗୋଟେ ଲୋକ ଏକ ଦୋକାନ ପାଖରେ ଠିଆ ହୋଇଥାଏ, ଦେଖିଲି ଗୋଟେ 5 କି 7 ବର୍ଷର ପିଲା ଆସି ଦୋକାନୀ ସହ କିଛି କଥା ହେଲା। ପରେ କିଛି ଦୂରକୁ ଯାଇ ଦୋକାନରେ ଥିବା ଏକ ଖେଳନା କୁ ବାରମ୍ବାର ଲକ୍ଷ୍ୟ କରୁଥାଏ ଓ ନିଜ ପକେଟରୁ କିଛି ଖୁଚୁରା ପଇସା ଖୋଲି ଗଣୁଥାଏ। ସେ ଲୋକ ପିଲାଟି ପାଖକୁ ଗଲା ଓ ପଚାରିଲା "କଣ ହେଇଛି ତୁମର?" ପିଲାଟି କହିଲା "ମୁଁ ସେ ଖେଳନା କିଣିବାକୁ ଚାହେଁ ହେଲେ ଦୋକାନୀ କହୁଛି ମୋ ପାଖରେ ପର୍ଯ୍ୟକ୍ତ ପଇସା ନାଇ।" ସେ ଲୋକଟି କହିଲା "ତୁମେ ପଇସା ଅନୁସାରେ ଖେଳନା ନିଅ"।

ପିଲାଟି କହିଲା "ମୋ ଭଉଣୀ ସେହି ଖେଳନକୁ ବହୁତ ପସନ୍ଦ କରୁଥିଲା, ସେଥିପାଇଁ ମୁଁ ଏହାକୁ ନେବାକୁ ଚାହୁଁଚି, ସେ ଖେଳନାକୁ ମା' ହାତରେ ମୋ ଭଉଣୀ ପାଖୁ ପଠେଇବି" ।

ଲୋକଟି ପଚାରିଲା " ତମ ଭଉଣୀ କେଉଁଠି ଅଛି ?" ପିଲାଟି କହିଲା "ବାପା କହୁଥିଲେ ସେ ଭଗବାନ ଙ୍କ ପାଖକୁ ଯାଇଛି ଓ ମା ବି ଅଳ୍ପ ଦିନରେ ସେଠାକୁ ଯିବେ। " 

ପୁନର୍ବାର କିଛି ଭାବି ପିଲାଟି କହିଲା " ଯାଉଛି କହିବି ବାପାଙ୍କୁ ମା ଙ୍କୁ କହିବେ ଟିକେ ବିଳମ୍ବ କରିବେ ଯିବା ପାଇଁ। ସେତେବେଳେ ମୋ ପାଖରେ କିଛି ଅଧିକା ପଇସା ହୋଇ ଯାଇଥିବ। " 

ପିଲାଟି ଏକ ଧଳା ଗୋଲାପ ଦେଖେଇ କହିଲା " ଏହା ମୋ ମା ଙ୍କ ପାଇଁ, ଏହା ତାଙ୍କର ବହୁତ ପସନ୍ଦ।" 

ଲୋକଟି ମନରେ ଶକ୍ତ ଆଘାତ ଲାଗିଲା। ନିଷ୍ପାପ ଶିଶୁଟି କଣ ଅବା ଜାଣିଛି, କେତେ ଖୁସିରେ ଆସିଛି ଖେଳନା ନେବା ପାଇଁ। ଲୋକଟି ନିଜ ପକେଟରୁ 100 ଟଙ୍କା ଖୋଲିଲା ଓ ତାକୁ କହିଲା -" ଦେଖିବା କେତେ ପଇସା ହଉଛି । ଖେଳନା ଆଣି ହେବ କି ନାହିଁ ।" ପିଲାଟି ପାଖରୁ ପଇସା ଆଣି ଦୋକାନରୁ ଖେଳନା କିଣି ଦେଲା ଓ ସେ ମନ ଖୁସିରେ ଚାଲିଗଲା। କିନ୍ତୁ ଲୋକଟି ଚାହିଁ ରହିଥିଲା ତାର ଯିବା ବାଟକୁ।। ରାତିରେ ପିଲାଟି କଥା ଭାବି ଭାବି ମନେ ପଡ଼ିଲା ଦୁଇ ଦିନ ତଳେ ଏକ ନିଶା ଗ୍ରସ୍ତ driver କାର ନେଇ ଯାଉଥିବା ବେଳେ ଏକ scooter ସହ ଧକ୍କା ହୋଇଥିଲା। ଦୁର୍ଘଟଣାରେ ଏକ ଛୋଟ ଝିଅର ମୃତ୍ୟୁ ହୋଇଥିଲା ଓ ସ୍ତ୍ରୀ ଲୋକଟି ମୃତ୍ୟୁ ସହ ଲଢୁଥିଲା। ଲୋକଟିକୁ ଲାଗିଲା ହେଇପାରେ ଏହି ପିଲାଟି ସେହି ପରିବାରର । ସକାଳୁ ସକାଳୁ ପେପର ଉପରେ ନଜର ପକେଇଲି ତା ଦେଖିଲି ଯେ ଦୁଇ ଦିନ ତଳେ ହୋଇଥିବା ଦୁର୍ଘଟଣାରେ ଆକ୍ରାନ୍ତ ହୋଇଥିବା ମହିଳାଙ୍କର ମୃତ୍ୟୁ ହୋଇଯାଇଛି। ସତ୍ୟତା ଜାଣିବା ପାଇଁ ପେପରରେ ଦିଆ ଯାଇଥିବା ଠିକଣାରେ ପହଂଚିଲି। ସେଠାରେ ମହିଳାଙ୍କ ଶବ ରଖା ଯାଇଥିଲା ଓ ତା ରି ଉପରେ ସେହି ଖେଳନା ଓ ଧଳା ଗୋଲାପ। କେହି ଜଣେ ଆତ୍ମୀୟ ପିଲାଟିକୁ ନିଜ କୋଳରେ ଧରିଥିଲେ। ଲୋକଟି ନିଜ କୋହ ସମ୍ଭାଳି ନ ପାରି ଆଖିରୁ ଧାର ଧାର ଅଶ୍ରୁ ବୁନ୍ଦା ଗଡେଇବାକୁ ଲାଗିଲେ। ହେଲେ କଣ ଏ ସମାଜ ଆମ ମାନଙ୍କୁ ନ୍ୟାୟ ଦେଇଛି ? ଜଣେ ମଦ ପିଇବ ଓ ଅନ୍ୟ ଜଣେ ସଂସାରରୁ ବିଦା ହେବ। କଣ ଦୋଷ ଥିଲା ସେ କୁନି ଝିଅର ? କ'ଣ ଦୋଷ ଥିଲା ନିଜ ଭଉଣୀକୁ ଝୁରି ହେଉଥିବା କୁନି ପିଲାର ? ଲୋକଟିକୁ ଉତ୍ତର ଏତିକି ମିଳିଲା ଏମାନେ ସେହି ରାସ୍ତାରେ ଯାଉଥିଲେ କାହିଁକି ? ଯେଉଁ ରାସ୍ତାରେ ନିଶାଗ୍ରସ୍ତ driver ଆସୁଥିଲା ?

ଟିପ୍ପଣୀ - ଆପଣ ମାନେ କୁହନ୍ତୁ ଆମେ ସାଧାରଣ ଲୋକ ବାଟ ଚାଲିବା ବନ୍ଦ କରିଦେବା ନା ସେମାନଙ୍କ ନିଶା ?


Rate this content
Log in

Similar oriya story from Tragedy