Click Here. Romance Combo up for Grabs to Read while it Rains!
Click Here. Romance Combo up for Grabs to Read while it Rains!

Shiba Charan Mahapatra

Horror Classics


3.9  

Shiba Charan Mahapatra

Horror Classics


ଦେହ

ଦେହ

2 mins 184 2 mins 184

!! ଏକ !!


ସୋମବାର ସକାଳୁ ଜେଜେବାପା ଆମ ସମସ୍ତଙ୍କୁ ଛାଡ଼ି ଆରପାରିକୁ ଚାଲିଗଲେ । ସପରିବାର ଆତ୍ମିୟସ୍ୱଜନ ଗଳା ଫଟେଇ କାନ୍ଦୁଥାନ୍ତି କିନ୍ତୁ ମୁଁ ଜେଜେବାପାଙ୍କୁ ଉଠେଇବାକୁ ଶତଚେଷ୍ଟିତ ଥାଏ । ବାପା ମୋ ହାତ ଧରି ଘରଭିତରକୁ ନେଇ କହିଲେ ,-"ତୋ ଜେଜେ ଆଉ ନାହାନ୍ତି ରେ ଶିବୁ..! ସେ ଆଉକେବେ ଫେରିବେନି..!!"


-"କିନ୍ତୁ ଯିଏ ଦାଣ୍ଡ ଦୁଆରେ ଶୋଇଥିଲେ..!? ସେ କଣ ମୋ ଜେଜେବାପା ନୁହନ୍ତି..!?"


!! ଦୁଇ !!


ନାନ୍ସି'ର କଲେଜ ନୋଟ୍ ରେ "ଆଇ ଲଭ୍ ୟୁ ନାନ୍ସି" ଲେଖିଥିବା ପିଲାଟି ମୁଁ ଜାଣି ସେଦିନ ସମସ୍ତଙ୍କ ସାମ୍ନାରେ ସେ କହିଲା,-" ହାଉ ଡେୟାର ୟୁ..!? ତୁମେ କେମିତି ଭାବି ପାରିଲ କଲେଜ କୁଇନ୍ ନାନ୍ସି ତୁମ ଲବ୍ ପ୍ରପୋଜାଲ୍‌ କୁ ଏକ୍ସେପ୍ଟ କରିବ..!? ଡୁ ୟୁ ନୋ , କଲେଜର କେତେ ହ୍ୟାଣ୍ଡସମ ମୋ ପାଇଁ ପାଗଳ..!? ଆଇନାରେ ଥରେ ନିଜକୁ ଦେଖିଆସ୍ ତା' ପରେ ଏ ପ୍ରେମ ପତ୍ର ଲେଖିବୁ..!!"


ମୋ ମୁହଁକୁ ସେ ଚିରା ଫର୍ଦ୍ଦ ଫିଙ୍ଗିଦେଇ ଚାଲିଗଲା..!!


ମୁଁ ବୁଝିସାରିଥିଲି ପ୍ରେମିକ ହେବାକୁ ହେଲେ ଏତିକି ସାଧାରଣ ଯୋଗ୍ୟତା ରହିବା ନିହାତି ଦରକାର..!!



!! ତିନି !!


" ନୈନଂ ଛିଦନ୍ତି ଶସ୍ତ୍ରାଣି ନୈନଂ ଦହତି ପାବକଃ , ନ ଚୈନଂ କ୍ଲେଦୟନ୍ତ୍ୟାପୋ 

ନ ଶୋଷୟତି ମାରୁତଃ..!!" 


ଗାଁ ମୁଣ୍ଡ ମଠରେ ହୃଷିକେଶ ଅଜା ଏହାର ଖୁବ୍ ସୁନ୍ଦର ଭାବାର୍ଥ ବ୍ୟାଖ୍ୟା କରୁଥା'ନ୍ତି । ହଠାତ୍ କୁଆଡୁ କେଜାଣି ବିଷଧର ନାଗସାପଟିଏ ତାଙ୍କ ଆସନ ପଛପାଖୁ ବାହାରି ପଡ଼ିଲା । ହୃଷି ଅଜା ବିଳିବିଳେଇକି ଡିଆଁ ମାରି ଛୁ..!! 


ସେଇ ଦିନଠାରୁ ହୃଷି ଅଜା " ଦେହ ସର୍ବସ୍ବ ନାତିଆ ଆତ୍ମା କଥା ଛାଡ୍ " କହି 

ମଠ ଆସିବା ବନ୍ଦ କରିଦେଲେ । 


ଏବେ ମଠରେ ବଡ଼ ତାଲାଟିଏ ଝୁଲୁଛି..!!


!! ଚାରି !!


କୁମାର ପୂର୍ଣ୍ଣିମା ସଂଧ୍ୟାରେ ମୋତେ ନିରୋଳାରେ ପାଇ ସିପ୍ରା ଗୋଟାପଣେ ମୋ ଭିତରେ ମିଶିଯିବାକୁ ତତ୍ପର ଥିଲା ।


କିନ୍ତୁ ସମସ୍ତ ଆବେଗ , ଉତ୍ତେଜନା ରୋକି ମୁଁ କହିଲି,

-" ସିପ୍ରା, ମୁଁ ତୁମକୁ ହୃଦୟରୁ ଭଲପାଏ , ବିବାହ ପୂର୍ବରୁ ଏସବୁ ପାପ..!!"


ତା'ପର ଦିନ ସକାଳୁ ମୋ ଜୀବନର ସୂର୍ଯ୍ୟୋଦୟ ଭିନ୍ନ ଦିଗରୁ ଉଇଁଲା ।



!! ପାଞ୍ଚ !!


ଅଧରାତିରେ ବାଡ଼ି ପାଖରୁ କିଛି ଫୁସ୍ ଫାସ୍ ଶବ୍ଦ ଶୁଣି ମୁଁ ଘରୁ ଉଠିଆସିଲି । ଦେଖେତ ଆମ ଘର ପଛ ବାଟ ଦେଇ କେହିଜଣେ ଅପା ରୁମ୍ ଭିତରକୁ ପଶିଯାଉଛି । 


ମୁଁ ଚିଲ୍ଲେଇ ଉଠିଲି ,-"କିଏ ସେଠି..?"


ଘର ଭିତରୁ ସମସ୍ତେ ବାହାରି ଆସିଲେ ।


ଅପା କବାଟ ଖୋଲି ଆଖି ମଳି ମଳି ସଫେଇଦେଲା,-" କ'ଣ କିରେ ଛାଇ-ଫାଇ ଦେଖିଲୁ କି..!? ଡରୁଆ..!! ଯା' ଶୋଇପଡ଼ , ଅଧରାତିରେ ସମସ୍ତଙ୍କୁ ଉଠେଇ ପକଉଚି..!!"


ମୁଣ୍ଡରେ ହାତ ମାରି ମୁଁ ଭାବୁଥିଲି -"ହୁଏତ ମୁଁ ଭୁଲ୍ ଦେଖିଥାଇପାରେ..!! କିନ୍ତୁ କାୟା ବିନା ଛାୟା..!?"






Rate this content
Log in

More oriya story from Shiba Charan Mahapatra

Similar oriya story from Horror