ଲାଇବ୍ରେରୀ
ପ୍ରୋଫାଇଲ୍
ଆସରେ ଗଢ଼ିବା ଦେଶ
ଆସରେ ଗଢ଼ିବା ଦେଶ
1 min
290
ଆସ ରେ ପିଲେ ଦଉଡ଼ି ଆସ
ଗଢ଼ିବା ଆମେ ଦେଶ
ସ୍କୁଲ ଯିବା ପାଠ ପଢ଼ିବା
ରଖିବା ଦେଶ ଯଶ।।
ଦେଶ ର ଆମେ ଭବିଷ୍ୟତ
ଉଜ୍ଜଳ ଆମ ଆଲୋକ
ନକରିବା ଆମେ ଭବିଷ୍ୟତ କୁ
ଅନ୍ଧାର ମୟ ଗୋଲକ।।
ଖେଳିବା ଚାଲ ତାଳ ବଜାଇ
ଭୁଲି କଳହ ବାଦ
ସବୁଜ ଘାସେ ଝୁଣ୍ଟୁ ଥିବା
ଉଠାଇ ଟିକି ପାଦ।।
ରୁମାଲ ଚୋରି କବାଡି ଖେଳ
ବାଘ ଓ ଛେଳି ଖେଳ
ଖେଳ ଲୁଚକାଳି ବୋହୂ ଚୋରି
ନ ରଖି ମନେ ଛଳ।।
ହାତରେ ହାତ ମିଶାଇ ଦିଅ
କାନ୍ଧେ ମିଳାଇ କାନ୍ଧ
ଲୋଟି ଯାଆରେ ମାଟିର କୋଳେ
ବାନ୍ଧି ସମତା ବନ୍ଧ ।।
