ଯାଉଛି ମଶାଣି ଭୁଇଁ

ଚାଲି ଗଲୁ ପ୍ରିୟା ଛାଡ଼ି ମୋ ଦୁନିଆ

  ମିଛ ପ୍ରତିଶ୍ରୁତି ଦେଇ,

ହୃଦୟରୁ ତୋର କାଢି ଫିଙ୍ଗି ଦେଲୁ

  ନୂଆ ପ୍ରେମିକଟେ ପାଇ ।

ଆଜି ପରେ ଯେବେ ଡାକିବୁ ମତେ ତୁ

 ଆଉ ମୁଁ ଶୁଣିବି ନାହିଁ,

ଆଜି ପରେ ଯେବେ ଖୋଜିବୁ ମତେ ତୁ

  ଆଉ ତୁ ପାଇବୁ ନାହିଁ ।

ଶେଷ ସମୟରେ କହି ମୁଁ ଯାଉଚି

  ଆଉ ଯେ ଫେରିବି ନାହିଁ,

ତୋ ଜୀବନରୁ ମୁଁ ଦୂରେ ବହୁ ଦୂରେ

  ଯାଉଚି ବିଦାୟ ନେଇ ।

ଖୁସିରେ ଖୁସିରେ କରିବୁ ସଂସାର

  ଶାଶୁଘରେ ତୋର ଯାଇ,

ହତଭାଗା ମୁହିଁ ମୋ ଭାଗ୍ୟ ଆଦିର

  ଯାଉଛି ମଶାଣି ଭୂଇଁ ।