ତୁମେ ମୋର ଗତିମୁକ୍ତି
ତୁମେ ମୋର ଗତିମୁକ୍ତି
ଭାବ ଅଭାବ ର ଏଇ ମୋ ସ°ସାର
ତୁମେ ପ୍ରଭୁ ଗତି ମୁକ୍ତି
ମୋ ଜୀବନ ବୀଣା ତୁମ କରୁଣାରୁ
ନୂଆ ସୁର ତୋଳେ ନିତି ।
ଅସଜଡା ପଥେ ମୋ ଜୀବନରଥ
ତୁମ ଯୋଗୁ ଯାଏ ଗଡି
ଖାଲରେ ପଡିଲେ ଢିପ ନ ଉଠିଲେ
ତୁମେତ ନେଉଛ ଭିଡି
ତୁମ ଭରଷା ରେ ଅମା ରାତି କୁ ମୋ
ନାହିଁ ଜମା ତିଳେ ଭିତି
ତୁମେ ମୋର ଗତି ମୁକ୍ତି ।
ପାଦ ଗଲେ ଥକ୍କି ତୁମ ଚକାଆଖି
ମୋ ଦୁଃଖ ପାରଇ ଦେଖି
ତୁମରି ଆଶିଷ ଭରଇ ବିଶ୍ୱାସ
ସିନେହ ଶରଧା ମାଖି
ହାରିଯାଇ ପୁଣି ଜୀବନ ଯୁଦ୍ଧରେ
ସହଜେ ପାରୁଛି ଜିତି
ତୁମେ ମୋର ଗତି ମୁକ୍ତି ।