ତମେ ଆସିବ ବୋଲି ରଶ୍ମିରେଖା ସାହୁ

ମା' ତମେ ଆସିବ ବୋଲି 

ଶରତ ଆଣିଛି ଆଦର କେତେ 

ଦେଖିବାକୁ ଯାଇ ଚାହିଁଲି ଆକାଶକୁ,

ଓଃ!କି ସୁନ୍ଦର ¡

କି ଖେଳ ରଚୁଥିଲେ ବାଦଲର ମାଳ,

 ଖୁସିରେ ନୃତ୍ୟ ରଚୁଥିଲେ ସେମାନେ,

ଅନାଇଦେଲି ଧରାକୁ '

ସବୁଜପାଟରେ କାଶତଣ୍ଡୀ ର ଖୋସା 

ଖିଲି ଖିଲି ହସରେ ଚଉଦିଗ କମ୍ପିଉଠୁଥିଲା ,

କାଶତଣ୍ଡୀ ବି ମୃଦୁ ମଳୟ ସାଥିରେ 

ନୃତ୍ୟ କରି କହୁଥିଲା,

ପାର୍ବଣ ଋତୁ ଆସିଛି, ମା ତମେ ଆସିବ ବୋଲି।

ମା ତମେ ଆସିବ ବୋଲି 

କାରିଗରର ହାତ ଯେମିତି ଭାରି ଆତୁର 

ତମକୁ ଦଶଭୁଜା ର ଆକାର ଦେବାକୁ,

ଧର୍ମ ଓ ଅଧର୍ମ ର ଅନ୍ତର ବୁଝେଇ ବାକୁ 

ପ୍ରୟାସ ଅନେକ ମା '

ମା 'ତମେ ଆସିବ ବୋଲି ଶେଫାଳି 

ତା କମଳା ଓ ଧଳା ରୂପରେ,

ଚଉଦିଗ ଭାସିଆସୁଛି ଭୁରୁ ଭୁରୁ ଗନ୍ଧରେ,

ମନ ପ୍ରଫୁଲ୍ଲିତ ହୋଇଉଠୁଛି,

ସଭିଏଁ ଆତୁର ବନ୍ଦାପନା କରିବେ ବୋଲି।

ମା ତମେ ଆସିବ ବୋଲି 

ପକ୍ଷୀ ମାନଙ୍କର କିଚିରି ମିଚିରି ଗୀତ ରେ 

ବିଦେଶ ବୁଲିବାର ଆରମ୍ଭ,

ଚିଲିକା ଓ କାଳିଜାଇ ହୁଡ଼ା ବି 

ଅପେକ୍ଷା କରିଛି ବିଦେଶୀ ବିହଗ ମାଳଙ୍କୁ 

ସ୍ୱାଗତ କରିବାକୁ ଅପେକ୍ଷା।

ମା ତମେ ଆସିବ ବୋଲି ସୁରୁଜ ଦେବଙ୍କ

କିରଣ ଶୀତଳ ହୋଇଆସୁଛି,

ସୁବର୍ଣ୍ଣ ର ରଙ୍ଗରେ ସୁଭାସିତ ହୋଇଯାଇଛି,

ଆଉ ସେ ରୌଦ୍ର ରୂପ ନାହିଁ,

ଦିବା ବି ସମୟ କମେଇ ଦେଇଛି,

ଖାଲି ତୁମକୁ ଅପେକ୍ଷା ମା '।

ମା 'ତମେ ଆସିବ ବୋଲି ପୋଖରୀ ରେ 

କଇଁ, ପଦୁମ ର ଭାର,

ଭାରି ସୁନ୍ଦର କଅଁଳ ରୂପରେ 

ସଜେଇ ଫୁଲେଇ ହେଉଛନ୍ତି ମା '

ତୁମ ବେକରେ ମାଳ ହୋଇ ଶୋଭା ପାଇବାକୁ।