ସତରେ କଣ
ସତରେ କଣ
ଅଗଷ୍ଟ ପନ୍ଦରେ ସ୍ଵାଧୀନ ଦିବସ
ସାରା ଦେଶ ଆଜି ପାଳୁଛି,
ତ୍ରିରଙ୍ଗା ପତାକା ଗଗନେ ଉଡାଇ
ତଳେ ଥାଇ ହାତ ଯୋଡୁଛି,
ସତରେ କଣ ମୋ ଦେଶ ସ୍ୱାଧୀନ ହେଇଛି ।
ମୋ ଦେଶର ଝିଅ ଦିନ ବାରଟା ରେ
ଏକା ଯିବା ପାଇଁ ଡରୁଛି,
ମୋ ଦେଶ ର ପୁଅ ବିଦେଶ କୁ ଯାଇ
ବିଦେଶୀ ଦାଦନ ଖଟୁଛି,
ସତରେ କଣ ମୋ ଦେଶ ସ୍ୱାଧୀନ ହେଇଛି ।
ମୋ ଦେଶ ର ବୋହୂ ଶାଶୁ ଘରେ ଆଜି
ଯୌତୁକ ପାଇଁ ଯେ ମରୁଛି,
କନ୍ୟା ଭୃଣହତ୍ୟା ଖୁଲମଖୁଲା
ଆଜି ବି ମୋ ଦେଶେ ଚାଲିଛି,
ସତରେ କଣ ମୋ ଦେଶ ସ୍ୱାଧୀନ ହେଇଛି ।
ଏ ଦେଶ ର ନେତା ଦାମୀ ଗାଡି ଧରି
ଦେଶ ବିଦେଶ ରେ ବୁଲୁଛି,
ରୋଗୀ ମଣିଷ କୁ ଆମ୍ବୁଲାନ୍ସ ନାହିଁ
ଟଲି ମଧ୍ୟେ ମାଆ ଟେ ଯାଉଛି,
ସତରେ କଣ ମୋ ଦେଶ ସ୍ୱାଧୀନ ହେଇଛି ।