ସ୍ମୃତି ସେଇ ପିଲାଦିନ ର...

ଜରିଅଖା ବ୍ୟାଗ୍ କାନ୍ଧରେ ପକାଇ

ଯାଉଥିଲୁ ଆମେ ଚାଟ, 

ବିନା ଚପଲ ରେ ଚାଲୁଥିଲୁ ଆମେ

କାଦୁଅ, କତରା ବାଟ l

ଛୁଟି ର ଖୁସିଟା ବର୍ଣ୍ଣନା ହେଉନି

କିପରି କରିବି କହ, 

ଛୁଟି ପଡିଗଲେ ମନ ଉଲ୍ଲାସ ରେ 

ବୁଲୁ ଥାଉ ଅହରହ l

ବାଟି ଖେଳ ଆଉ ଗାଚା ଖେଳ ବୋଧେ

ଏ ପିଲା ଶିଖନ୍ତି ନାହିଁ,

ଚାରିଟା ବାଜିଲେ ବ୍ୟାଗ ଫୋପାଡି

ଆସୁଥିଲୁ ଆମେ ଧାଇଁ l

ଚାଉଳ ବଦଳ କୁଲୁଫି ଖାଉ ଯେ

ଆହା କି ସ୍ଵାଦିଷ୍ଟ ସିଏ, 

ପାଞ୍ଚ ଟଙ୍କା ନେଇ ଦାଣ୍ଡ କୁ ଧାଇଁଲେ 

ଗୋଟିଏ କୁଲୁଫି ଦିଏ l

ହଜିଛି ସେ ଦିନ ହଜିଛି ସମୟ 

ଫେରିବନି କେବେ ସିଏ, 

ଅତୀତ ର ସ୍ମୃତି ଅସରନ୍ତି ଖୁସି 

କେବେ ମନେ ପଡିଯାଏ l