Library
Profile
ସହରରେ ରାତି ଅଛି ନିଦ ନାହିଁ ଜମା
ସହରରେ ରାତି ଅଛି ନିଦ ନାହିଁ ଜମା
1 min
451
ସହର ରେ ନିଦ କାହିଁ
ଏଠି ରାତିସାରା ବତି ଖୁଣ୍ଟ ଜଳେ
ଝିଙ୍କାରୀର ଶବ୍ଦ ଆଢୁଆଳେ
ନିଦ ଏଠି ଶୋଇଯାଏ
ଭିକାରୀର ଛିଣ୍ଡା କନ୍ଥା ତଳେ
ଅଛି ତୁମ ସହରରେ
ବିଦ୍ୟୁତ ମଶାଣି
ହେଲେ ନାହାନ୍ତି ସେଠାରେ ଜମା
ଚିରୁଗୁଣି ଆଉ ପିତାଶୁଣି
କହିବାକୁ ନାହିଁ କେହି
ଆଈ ମା କାହାଣୀ
ନାହିଁ ତୁମ ସହରରେ
ଆମ ଗାଁ କିଟିମିଟି ରାତି
ଅଜା ଆଈ ଗାଁ ରେ ରହିଲେ
ସହର କୁ ଚାଲିଗଲେ
ନାତୁଣୀ ଓ ନାତି
ତୁମ ସହରେ ଶୁଭେ ନାହିଁ
ମାଡ ହାଣ୍ଡି କଥା
ତୁମକୁ ମିଳେନା ସେଠି
ଢ଼ିଙ୍କି କୁଟା ଚୁଡା
ସନ୍ଧ୍ୟା ବେଳେ ଜଳେ ନାହିଁ
ସଞ୍ଜବତୀ ସେଠି
ମୋ ଗାଁ ର ଭୁଅlଶୁଣି
ନୀତି ସଂଜେ ପୁଜେ ବୃନ୍ଦାବତୀ
ସହର ରେ ତୁମ ପାଖେ
ପ୍ରାଚୁର୍ଯ୍ୟ ରହିଛି
ହେଲେ ମୋ ଗାଆଁରେ
ରାତିହେଲେ
ନିଦ ଟିକେ ଶାନ୍ତି ରେ ଶୋଉଛି।
