ଶ୍ରୀ ଗଜାନନାୟ ନମଃ

ଓଁ ଜୟ ଜୟ ଗଣନାଥ ଲମ୍ବୋଦର ଅଗ୍ରପୂଜ୍ୟ ଗଜାନନ

ପାଶାଙ୍କୁଶଧାରୀ ହେ ଜ୍ଞାନଦାତା ଜୟ ଇନ୍ଦୁର ବାହନ ।

ମାତାର ଆଦେଶ ପାଳନ ନିମନ୍ତେ ମସ୍ତକ ହରାଇଲ

ଗଜମୁଖ ହୋଇ ଜ୍ଞାନର ପ୍ରଦୀପ ଜଗତରେ ଜଳାଇଲ ।

ସବୁ ଦେବତାଙ୍କ ଊର୍ଦ୍ଧରେ ପିତା,ଶିବ ଶଙ୍କର ଜଗତର ମୂଳ

ପ୍ରଦକ୍ଷିଣ କରି ପିତା ଚତୁପାର୍ଶ୍ୱେ ଏକଥା ସିଦ୍ଧ କରାଇଲ ।

ବୁଦ୍ଧି ବଳେ ତୁମେ ମୃତ୍ୟୁପତିଙ୍କୁ ଅନୁଗତ ଦେଲ କରି

ମୂଷିକ ସଜାଇ ବାହନେ ବରିଲ ନିଜ ଇଚ୍ଛା ଅନୁସରି ।

ରିଦ୍ଧି, ସିଦ୍ଧିଙ୍କ ମନକୁ ହରଣ କରି କଲ ଆପଣାର

ସବୁ ଦେବତାଙ୍କୁ ପଛରେ ପକାଇ ଅଗ୍ରପୂଜ୍ୟ ହୋଇଗଲ ।

ବନ୍ଦେ ତୁମର ଚରଣ କମଳ ଆହେ ବିଘ୍ନ ବିନାଶନ

ବିଦ୍ୟା ବୁଦ୍ଧିର ଆଶିଷ ଲୋଡଇ ଢାଳ ହେ କୃପାର କଣ ।

ବିଦ୍ୟା, ବିନୟ, ଜ୍ଞାନାଲୋକ ଦିଅ ସାଧିବି ଜଗତ ହିତ

ତୁମ ପାଦେ ଆଜି ପୁଣ୍ୟ ତିଥିରେ କରେ କୋଟି ଦଣ୍ଡବତ ।

ବିନତି କରୁଛି ହେ ଗଣନାଥ ଦୂର କର ଏ ବିଘ୍ନ ବାଧା ମୋର 

ତୁମ ଦୟା ହେଲେ ଶାନ୍ତି ଯେ ମିଳିବ ହେବଏ ଭାଗ୍ୟ ମୋର 

ଚରଣେ ତୁମର ଗୁହାରି ମୋ କୃପା ବରଷିବାକୁ ଆସ ବେଗ 

ଆସିଛି ଏ ଘଡି ଶୁଭ ମୁହୂର୍ତ୍ତ ବିରାଜ ମାଧ୍ୟମ କର ତୁମ ଯୋଗ l