ଶୀର୍ଷକ - " କଲମ "

       

ସଂସାର ମଧ୍ୟେ      ଜଡ଼ଟେ ପରା

      ଅଟେ ମୁହିଁ କଲମ

ସବୁରି ପାଇଁ     ସଜ୍ଜିତ ଥାଏ 

    ଜୀବନ ମୋର ସ୍ଵୟମ

ଛୋଟରୁ ବଡ଼     ସବୁରି ସାଥେ

    ଗଢେ ଯେ ମିିତ୍ରତା

କିଏ ବା ବୁଝେ    ମନର କୋହ

      ଅଶ୍ରୁର ଗାଢତା

ବାଚ୍ୟହୀନ     ପ୍ରତିକ୍ରିୟାବିିିହୀନ

    ଭରସା ଯୋଗ୍ୟ ସାଥୀ

ସଭିିଙ୍କ ପ୍ରାଣ    କରି ପ୍ରସ୍ଫୁଟିତ

    କରେ ଯେ ମୋର ଇତି

ଧନୀ ଗରିବ    ଦେଖେନି ମୁହିଁ

   ରହେ ମୁଁ ଜ୍ଞାନୀ ପାଶେ

ଜ୍ଞାନ ବଳରେ   ବିଜୟୀ ହୋଇ

    ଜଗତେ ସଦା ହସେ

କବିଠୁ ବଡ଼    ତାର କବିତା

   କାବ୍ୟରେ ଦିଏ ପ୍ରାଣ

ଲେଖକ ପାଇଁ  ଲେଖନୀ ସାଜି

   ବଢ଼ାଏ ତାର ମାନ

ଶିଷ୍ୟ ପାଇଁ    ପ୍ରେରଣା ସାଜି

    ଗୁରୁ ହସ୍ତ ସ୍ପର୍ଶରେ

ଜ୍ଞାନ ପ୍ରଦୀପ   ଜାଳଇ ମୁହିଁ

   ଧନ୍ୟ ହୁଏ ଆନନ୍ଦରେ

ଯାଜ୍ଞସେନୀର  ଜୀବନ ଠାରୁ

  ଗାନ୍ଧି ଗୋପବନ୍ଧୁ ଯାଏଁ

ଲେଖିଛି ମୁଁ ଯେ  ଜୀବନୀ କେତେ

   ସଦା ଆପଣା ଛାଏଁ

ଏଇ ହାତରେ   ଲେଖିଛି କେତେ

    ଅତୀତ ଇତିହାସ 

ନବ ସୃଷ୍ଟିକୁ    ଉତ୍ସାହ ସାଥେ

    କରୁଛି ବି ପ୍ରକାଶ

ଜଡ ହେଲେ ବି  ଭାବନା ମୋର

   ହୋଇଛି କି କେବେ ଛୋଟ

ନିିଜକୁ ଜାଳି    ନାଶେ ତିମିର

   ପ୍ରକାଶେ ମୋ କାଳି ଛିଟ

ଧନ୍ୟ ମୋ ଜୀବନ   ଧନ୍ୟ ମୋ ବିିିଧାତା

    ସମାଜରେ ଜାଣେ ସତ୍ୟତା

ନ୍ୟାୟ ଧର୍ମ ସଙ୍ଗେ   ପାଦଟି ମିିଶିଲେ

    ଜୀବନରେ ସାର୍ଥକତା