ଶେଷ ଦେଖା

ସେଦିନ ଥିଲା ଆମର
ଶେଷ ଦେଖାର ସନ୍ଧ୍ୟା,
ଆକାଶ ବି କାନ୍ଦୁଥିଲା
ଧରି ବର୍ଷାର ଛାୟା ।

ତୁମେ ଠିଆ ହୋଇଥିଲ
ମୋ ସାମ୍ନାରେ ନୀରବ ହୋଇ,
ହଜାର କଥା ଥିଲା ଓଠରେ,
ତଥାପି ରହିଗଲା ଅକୁହା ହୋଇ ।

ତୁମ ଆଖିରେ ଥିଲା ଲୁହ,
ମୋ ଆଖିରେ ବି ଥିଲା ବେଦନା,
ଦୁହେଁ ବୁଝୁଥିଲୁ ସେହି ମୁହୂର୍ତ୍ତ,
ଶେଷ ହେଉଥିଲା ପ୍ରେମର କାହାଣୀଟା ।

ହାତ ଧରି କହିଥିଲି,
"ଭୁଲି ଯିବନି ମୋତେ କେବେ,"
ତୁମେ କେବଳ ହସି ଦେଇଥିଲ,
ଆଉ ଲୁହ ଲୁଚାଇଥିଲ ନିଜ ଭିତରେ ।

ତାପରେ ତୁମେ ଚାଲିଗଲ,
ଅଜଣା ରାସ୍ତାର ମୋଡ଼କୁ,
ଆଉ ମୁଁ ଚାହିଁ ରହିଗଲି
ହରାଇ ଯାଉଥିବା ତୁମ ଛାୟାକୁ ।

ଆଜି ବି ସେହି ଶେଷ ଦେଖା
ମନରେ ଜୀବନ୍ତ ହୋଇ ରହିଛି,
କାରଣ ସେହି ଦିନ ତୁମେ ଦୂରେ ଗଲ,
ଆଉ ମୋ ହୃଦୟ ସେଠି ଅଟକି ରହିଛି ।

ଶେଷ ଦେଖାର ସେହି ମୁହୂର୍ତ୍ତ,
ଆଜି ବି ଆଖିରେ ଭାସେ,
ତୁମ ସ୍ମୃତି ହୋଇ ପ୍ରତିରାତି
ନୀରବରେ ମୋତେ କାନ୍ଦାଏ ।