ମୁଁ ଅଛି, ତୁମେ ନାହଁ

ମୁଁ ଅଛି ଆଜି ବି ସେହି ଜାଗାରେ,
ଯେଉଁଠି ତୁମେ ମୋତେ ଛାଡ଼ି ଯାଇଥିଲ,
କିନ୍ତୁ ତୁମେ ନାହଁ,
କେବଳ ସ୍ମୃତିର ଛାୟା ରହିଯାଇଛି ।

ମୁଁ ଅଛି ଆଜି ବି ତୁମ ଅପେକ୍ଷାରେ,
ପ୍ରତି ସନ୍ଧ୍ୟାର ଅସ୍ତଗାମୀ ସୂର୍ଯ୍ୟ ସହ,
କିନ୍ତୁ ତୁମେ ନାହଁ,
ମୋ ଡାକ ଶୁଣିବାକୁ ଆଉ କେହି ନାହିଁ ।

ମୁଁ ଅଛି ଏହି ନୀରବ ରାତିରେ,
ତୁମ ସ୍ମୃତିକୁ ହୃଦୟରେ ସାଇତି,
କିନ୍ତୁ ତୁମେ ନାହଁ,
ମୋ ଲୁହ ପୋଛିବାକୁ ତୁମ ହାତ ନାହିଁ ।

 ତୁମେ କହିଥିଲ,
"ସାରା ଜୀବନ ସାଥିରେ ରହିବି",
ଆଜି ସେହି କଥା ହୋଇଛି
ଭଙ୍ଗା ସ୍ୱପ୍ନର ଏକ ନିରବ କାହାଣୀ ।

ମୁଁ ଅଛି, ତୁମେ ନାହଁ,
ଏହି ତଫାତ ହିଁ ମୋ ବେଦନା,
ତୁମେ ଉଡିଗଲ ଦୂର ଆକାଶରେ,
ଆଉ ମୁଁ ରହିଗଲି ଅଧୂରା ପ୍ରେମର ଠିକଣାରେ ।

ସମୟ ବଦଳିଗଲା,
ଦିନ ଓ ବର୍ଷ ବିତିଗଲା,
କିନ୍ତୁ ମୋ ହୃଦୟରେ ତୁମ ପାଇଁ ଜାଗା
ଆଜି ବି ସେମିତି ରହିଗଲା ।

ମୁଁ ଅଛି...
କିନ୍ତୁ ତୁମେ ନାହଁ...
ଏହି କିଛି ଶବ୍ଦ ମଧ୍ୟରେ
ଲୁଚି ରହିଛି ମୋ ସମସ୍ତ ଜୀବନର ବେଦନା ।