ଶବ୍ଦ ନାୟକ

ଶବ୍ଦ ସହ ଯେବେ ଦେଖାହେଲା, 

ସେଦିନ ତୋ ଅନୁଭବ ହେଲା... 

ତୁ ମୋ କଳ୍ପିତ, ଚିତ୍ରିତ, ଅଙ୍କିତ କାନଭାସ, 

ମନର ଉନ୍ମାଦନା, ଉନ୍ମୋଚନରେ....

 

ତୁ ମୋ ନୀରବତାର, 

ଗୁଂଜରିତ, ସ୍ଫୁରିତ ଶବ୍ଦକୁଞ୍ଜ, 

ହୃଦୟର କଦମ୍ବ ବନରେ l

ତୋ ସହ ମୋ ପ୍ରୀତି, 

କଲମରୁ କାଳି ଥିବାଯାଏଁ, 

ମୋ ସାଧା କାଗଜରେ ଲିଖିତ, 

ପ୍ରଣୟର ଚିଠିଟିଏ l

କେବେ ତୁ ମେଘ ମଲ୍ହାରେ, 

 ସ୍ବପ୍ନ ନାୟକ ବିଜିନ ରାତିରେ, 

ପୁଣି କେବେ ଅଦିନିଆ ବର୍ଷା, 

ଶେଷ ନିଦାଘରେ l

ତୁ ମୋ ଅପେକ୍ଷାର ମିଳନ ଋତୁଟିଏ, 

ମୁଁ ଆନନ୍ଦିତ ତୋ ପ୍ରେମରେ, 

 ମଧୁର ମୂର୍ଚ୍ଛନା ର ସଂଗୀତରେ, 

 ସାତ ରଙ୍ଗରେ, ପ୍ରେମରେ ରାଗିନୀ ରେ l"