ପ୍ରେମରେ ଆର୍ତ୍ତନାଦ

ପ୍ରେମରେ ପଡ଼ିଥିବା ନିଆରା ମଣିଷଟି 

କାହିଁକି ଯେ ଖୋଜିବୁଲେ ସବୁବେଳେ 

ସେଇ ଦିଗହରା ପଥକୁ, 

ହଁ ହୁଏତ କିଛି ଆଶା ଓ ବିଶ୍ୱାସକୁ ନେଇ 

କିନ୍ତୁ ଏଠି ପ୍ରେମ ହୁଏ ଆତ୍ମହରା 

ଶୁଭେ ଖାଲି ପ୍ରେମର ଆର୍ତ୍ତନାଦ 

କଣ ଏଇଟା ହେଉଛି ପ୍ରେମ 

ଯେଉଁଠି ଶୁଭେନାହିଁ କୋଇଲିର କୁହୁ କୁହୁ ତାନ 

ଆଉ ଶୁଭେନାହିଁ ପ୍ରେମର ରଣଝଙ୍କାର ।

ପ୍ରେମରେ ପଡ଼ିଥିବା ପ୍ରତି ମଣିଷ ଏଠି ନିଶ୍ବ 

କଣ , ଏଇ ହେଉଛି ପ୍ରେମର ସ୍ୱରୂପ 

କୁଆଡ଼େ ଗଲେ ପ୍ରେମର ପ୍ରତୀକ ରାଜମହଲ ପ୍ରେମିକ ପ୍ରବର, 

ହଁ ! ଅବା କାହିଁକି ବା ଆସିବେ ସେ ଏଠି ତ ଶୁଭେ ଖାଲି ପ୍ରେମର ଆର୍ତ୍ତନାଦ !