ପ୍ରେମ ଇଲାକା

  ପ୍ରେମ ଇଲାକାର ପବିତ୍ର ସ୍ୱାକ୍ଷର

     ପ୍ରେମରୁ ଆରମ୍ଭ ହୁଏ

 ପଦ୍ମ ପୋଖରୀରେ ବୁଡ ମାରିଦେଇ

     ସୁରୁଜଙ୍କୁ ଚାହିଁ ରହେ ।

 ସଜଳ କିରଣୁ ରଙ୍ଗମାନ ଖୋଜି

     ମନ ତଳେ ମାଖି ଦିଏ

 ପ୍ରେମ ପାଲିଙ୍କିରେ ପ୍ରେମ ଅଗଣାକୁ

      ଧୀରେ ଧୀରେ ଛୁଇଁ ଯାଏ ।

ଦୁଃଖ ଭୂମିଟାରେ ଗଡିଯାଏ ଥରେ

     ସାଗର ନୀରରେ ଭିଜି

ପ୍ରେମ ଇଲାକାରେ ଯନ୍ତ୍ରଣା କାତରେ

     ପ୍ରେମିକକୁ ହୁଏ ଖୋଜି ।

ଧୋକ୍କା ବତାସରେ ଅଣ୍ଟା ଭାଙ୍ଗିଗଲେ

      ମାରଣକୁ ସାଥି କରେ

ସଫଳ ପ୍ରେମିକା ବୋଲାଏ ସେ ସିନା

      ଜଗତ ତାହାଙ୍କୁ ଝୁରେ ।