ପ୍ରଭୁ ଥରେ ଦେଖାଦିଅ

ଚାହିଁଛି ତୁମକୁ ରଚନା କାଳରୁ 

     ପଲକହୀନ ନୟନେ 

ଦିଅ ଦେଖା ପ୍ରଭୁ ଝରାଇ ଆଶିଷ 

     ପୂର୍ଣ୍ଣକର ବିତରଣେ |

ହଜିଯାଇଥିଲି ଅମାଅନ୍ଧକାରେ 

    ନିଜକୁ ମୁଁ ଜାଣେନାହିଁ 

ଆସିଲି କେଉଁଠୁ ଯିବି କେଉଁଠିକୁ 

    କାହିଁକି ଆସିଲି ମୁହିଁ |

ଖୋଜୁଛିଆଜି ମୁଁ ପରିଚୟ ମୋର 

     ତୁମ ଶୁଭ ସମ୍ଭାଷଣେ 

ଚାଲି ମୁଁ ପାରୁନି ଜୀବନ ମରୁରେ 

     ଘୁରୁଛି ମୁଁ ଏଣେତେଣେ|

ଅପସରି ଦିଅ ତମସା ଅନ୍ତରୁ 

     ହେଉ ଅନୁଭବ ତଵ 

ସମର୍ପିତ ହେଉ ସକଳ ବାସନା 

     ହୁଅ ତୁମେ ପୂର୍ଣ୍ଣକାମ |

ଡାକୁଛି ମୁଁ କେତେ ଆକୁଳ ହୃଦୟେ 

     ଭକ୍ତି ନଇବେଦ୍ୟ ଦାନେ

ନିର୍ବାପିତ ହେଉ ଅନ୍ତର ଜ୍ୱଳନ 

      ତୁମ ଭକ୍ତି ସୁଧାପାନେ |