ନିଜକୁ ପ୍ରଶ୍ନ - ଦୁଃଖ କ'ଣ ?
ନିଜକୁ ପ୍ରଶ୍ନ - ଦୁଃଖ କ'ଣ ?
ନିଜକୁ ପ୍ରଶ୍ନ କରେ ଯେବେ ଦୁଃଖ କ'ଣ ?
ଅନ୍ତରାତ୍ମାରୁ ପ୍ରତିଉତ୍ତରରେ ଧ୍ୱନି ଶୁଭେ
ଯାଅ ଥରେ ପଚାରି ବୁଝ ବାଲ୍ୟ ବିଧବାକୁ
ସ୍ଵାମୀ ବିନା ତା' ଜୀବନ କ 'ଣ ?
ଯାଅ ଥରେ ପଚାରି ବୁଝ
ନିଃସନ୍ତାନ ମାଆର ମମତାମୟ ଦୃଦୟର କୋହ ।
ଥରେ ଦେଖି ଆସ
ରାସ୍ତା କଡରେ ଶୋଇଥିବା
ନିଃଷ୍ପାପ କୋମଳ ଶିଶୁର ମୁଁହକୁ ।
ଥରେ ବୁଲି ଆସ ବସ୍ତିର କୁଡିଆରୁ
ଦେଖି ଆସ ସେମାନଙ୍କ ଦୁର୍ଦ୍ଦିନ ଯନ୍ତ୍ରଣାର ଦିନକୁ।
ଅତୀତର ଗର୍ଭକୁ ଚାଲି ଯାଅ
ପାଇବ ସେଠି ରାଧା କୃଷ୍ଣ , ରାମ ସୀତା
ଦେଖିନବ ସେଠି ପ୍ରେମର ବିରହର ଖେଳ ।
ଯଦି ତମେ ପୁଣି ପ୍ରଶ୍ନ କର
ଦୁଃଖ କ'ଣ ?
ତେବେ ଚାଲି ଯାଅ ଦେଶର ସୀମାନ୍ତ
ପାଇବ ସହ ସହ ଧରାଶାୟୀ ବୀର ସନ୍ତାନକୁ
ଚିରନିଦ୍ରାରେ ଶୋଇଥିବେ ଧରଣୀ କୋଳରେ ।
ମନେ ପକାଅ ପିଲାଦିନର ସ୍ମୃତି ଫର୍ଦ୍ଦକୁ
ହଜେଇ ଦେଇଥିବା ପୁରୁଣା ସ୍ମୃତିର କାଳକୁ ।
ଅନ୍ତରାତ୍ମାରୁ ପ୍ରତିଉତ୍ତର ଧ୍ୱନିରୁ ପାଇଯାଏ
ନିଜ କୁ ପ୍ରଶ୍ନ ' ଦୁଃଖ କ'ଣ 'ର ଉତ୍ତର ।