ମୋ ପ୍ରିୟ ଭାରତ ଭୂମି

ସାରା ବିଶ୍ୱେ ଶ୍ରେଷ୍ଠ ମୋ ଭାରତ ମାତା 

ଚିର ବନ୍ଦନୀୟ ଏମାଟି, ସର୍ବତ୍ର ସେ ପୂଜିତା ।

ଯାହାର ଜ୍ଞାନଗରିମା ଘୋଷେ ଏସାର ସଂସାର

 କୀରତି ବିନା ଉଡ଼ଇ ଯା ର ହୋଇଣ ଫରଫର ।

 

ମନ୍ତ୍ର ଏକତାର ବଳେ କାଶ୍ମୀରରୁ କନ୍ୟାକୁମାରୀ ଜାତି, ବର୍ଣ୍ଣ, ଧର୍ମ ନିର୍ବିଶେଷ 

ସଭିଁଏ ପାଳନ୍ତି ମହାଆଡ଼ମ୍ବରରେ ପବିତ୍ର ସ୍ୱାଧୀନତା ଦିବସ ।

ଏ ସ୍ଵାଧୀନତା ଦିବସେ ଜାତୀୟ ସଙ୍ଗୀତ ତଳେ 

ନାଚି ଉଠେ ମନ ସ୍ପନ୍ଦନେ ଭରି ଦିଏ ଅମାପ ବଳ ।

ସ୍ୱାଧୀନ ଭାରତ ର ସନ୍ତନ ଆମେ ଜୀବନ ଦେଇ ରଖିବା ତାର ମାନ 

ତା ସେବା ଲାଗି ହସି ହସି କରିବା ଜୀବନ ପ୍ରଦାନ

ଯଶ, କୀର୍ତ୍ତି ,କଳା ଓ ଭାସ୍କର୍ଯ୍ୟରେ ଭରା ମୋଦେଶ

ଏକତା, ଅଖଣ୍ଡତା ଓ ବିବିଧତାର ଭରା ସୁନାର ଚଢ଼େଇ 

ସତ୍ୟ ଶିବ ସୁନ୍ଦରେ ପୂର୍ଣ୍ଣା ସେ ମୋ ପ୍ରିୟ ଦେଶ ।

ବିଶ୍ଵମୈତ୍ରୀ ଶାନ୍ତି ପାଇଁ ବାର୍ତ୍ତା ଏକତାର  

ଯା ର ଜନତା ଶୁଣାଏଁ ଏଠି ଶାନ୍ତି ର ଓଁକାର।

ସେହି ଦେଶରେ ଆମେରେ ଶିଶୁ ଭେଦଭାବକୁଭୁଲି 

ସମତା ପଥେ ଆଗେଇ ଯିବୁ ପ୍ରେମ ର ଦ୍ଵାର ଖୋଲି

     

 ଦେଶ ର ପ୍ରଗତି ପଥେ ଆମେ ହେବା ସାରଥୀ 

 ରଚିଯିବା ଯେତେ ସବୁ ନୂଆ ନୂଆ କିରତି ।

ଆମ ଏଦେଶ ହେବ ମରତେ ଚିର ବନ୍ଦନୀୟ 

 ସବୁରି ମୁଖେ ଘୋଷିତ ହେଉ ଜୟ ଭାରତ ଜୟ ।