ନୀଳର ନୀଳିମା

ଉପରେ ନୀଳ ଆକାଶ ତଳେ ବିଶ୍ବ ବିକାଶ

ସାଗରର ନୀଳିମାରେ ମୂର୍ତ୍ତିମନ୍ତ କଳ୍ପନା ଉତ୍ସ l

ପ୍ରଶାନ୍ତିର ଭାବଧାରା ନୀଳ ସ୍ୟାହିରେ ଲିପିବଦ୍ଧ

କବିତ୍ଵ ଓ ସାଧୁତ୍ୱ ପରିପ୍ରକାଶ ନୀଳ ରଙ୍ଗ ସିଦ୍ଧ l

ଆତ୍ମ ବିଶ୍ୱାସ ଶକ୍ତିମନ୍ତ ହୁଏ ଅଧ୍ୟାତ୍ମ ସହ ସତତ

ଯେତେବେଳେ ନୀଳ ରଙ୍ଗର ଉତ୍କର୍ଷତା ଜଡ଼ିତ l

ନୀଳ ବସନର ଚାହିଦା ଜାଣନ୍ତି ଶ୍ରମଜୀବୀ ଗଣ

ସ୍ୱଳ୍ପ ଉପାର୍ଜିତ ଧନେ ନିଜକୁ ବଞ୍ଚାନ୍ତି ସହି କଷଣ l

ମହୋଦଧି ବକ୍ଷରେ ଯେବେ ଆଗାଏ ଜୁଆର

ତୀର ଛୁଇଁବାକୁ କରଇ ନୀଳ ଚେହେରା ଉପଚାର l

ବଡ଼ ଠାକୁରଙ୍କ ମନ୍ଦିର ଚୂଡ଼ାରେ ଠିଆ ନୀଳ ଚକର

ମସ୍ତକ ତାଙ୍କ ଶୋଭେ ବଢ଼ାଇ ମର୍ଯ୍ୟାଦା ନୀଳ ମଣିର l

ନୀଳ ଗାଈର ଚରିତ୍ର ବଡ଼ ବିଚିତ୍ର ନୀଳ ଆଭାରେ

ହରିଣ ଗାଈ ମିଶା ଜାତି ସୁକୋମଳ ଚାହାଣିରେ

ଶୋଭିତ ଶାନ୍ତ ସରଳ ବନାନୀର ବାସ ଭୂମିରେ

ଭାରତ ବର୍ଷର ଗୌରବ ଗୋମାତା ଆର୍ଯ୍ୟ ଭୂମିରେ l

ବୈଦୁର୍ଯ୍ୟ ଓରଫ ନୀଳ ମଣିର ଗୁଣ ଜାଣି ଉପେନ୍ଦ୍ର

କବିସମ୍ରାଟ ଉପାଧିରେ ହୋଇ ଭୂଷିତ ଭଞ୍ଜ କବୀନ୍ଦ୍ର

ରଚି ଚାଲିଲେ ମନ ମତାଣିଆ କାଳ୍ପନିକ ପଙ୍କ୍ତି ପୁଞ୍ଜ

ଉତ୍କଳ ସାରସ୍ୱତ ସମାଜକୁ କଲେ ଆଲୋକିତ ସଗୁଞ୍ଜ l

         

ନୀଳ କଇଁ ତୋଷି ଚାଲେ ଶଶାଙ୍କ ଓ ଶଶାଙ୍କଶେଖରେ

ନୀଳ ପଦ୍ମ ଶୋଭା ପାଏ ଦିନମଣି ଓ ମାଶ୍ରୀୟାଙ୍କ ମନ୍ଦିରେ l

ସମ୍ଭ୍ରାନ୍ତ କଳ୍ପନା ବିଳାସୀ ରସିକ ନାଗରେ ଅବିରତ ଉଚ୍ଚାଟିତ

ନୀଳମଣି ପଦ୍ମନୀଳକଇଁର ପ୍ରଭାବେ ବିଶ୍ୱେ ପୂର୍ଣ୍ଣ ଆଶାତୀତ ll