ନଈବଢି
ନଈବଢି
ଭଲା ରାଜଧାନୀ ଭଲା
ଘଣ୍ଟାଏ ହୋଇଲେ ବରଷା ଏଇଠି
ଲାଗେ ନଈବଢି ହେଲା ।
ରାଜରାସ୍ତା ଲାଗେ ନଈନାଳ ପରି
ପାଣିଶୂଅ ଉଛୁଳଇ
ଏମିତି ଶୂଅ ସେ ଅକାଳରେ କେତେ
ଜୀବନ ଯାଉଛି ନେଇ ।
ନଈବଢି ପରି ମାନେନାହିଁ ପାଣି
କିଏସେ ଗରିବ ଧନୀ
ବସ୍ତି ବାସିନ୍ଦା କି ପ୍ରାସାଦ ମଲିକ
ସଭିଙ୍କର ଟାଣେ କାନି ।
ତଳ ମହଲାରେ ପାଣି ପସିଯାଇ
କରେ ଭାରି କଲବଲ
ଗଳି କନ୍ଦି ରାସ୍ତା କରଇ ହୀନସ୍ତା
ଶୂଅ ମାନେନାହିଁ ବୋଲ ।
ନଈରେ ଆସଇ ବଢି ପାଣି ମାଡି
ସତର୍କ ସୂଚନା ମିଳେ
ତର୍କ ବିତର୍କ ରେ ରାଜଧାନୀ ବଢି
ପାଣିରେ ଗରଳ ଢାଳେ ।