ନାରୀ
ନାରୀ
ମୁଁ ନାରୀ!
ନୁହେଁ ମୁଁ ଦୁର୍ବଳା ନୁହେଁ ମୁଁ ପିଡିତା
ମୋ ଭିତରେ ସମାହିତ
ସଫଳ ହେବାର ମୁଠା ମୁଠା ଭର୍ଜା
ହୃଦୟରୁ ଖୋଜିବାର ପ୍ରୟାସ ହିଁ ଲୋଡ଼ା ।
ମୁଁ ନାରୀ!
ମୋ ମନରେ ଲୁଚି ଅଛି ଅଦମ୍ୟ ଶକତି
ଯେଉଁଥିରେ ସଜାଇବି ସୃଷ୍ଟିର ସମ୍ଭାର
ମୋ ଭିତରେ ଭରିଅଛି ଅପୁରନ୍ତ ଇଚ୍ଛା
ଏ ସୃଷ୍ଟିକୁ ଉପହାର ଦେବା ପାଇଁ
ଅମୂଲ୍ୟ ଜୀବନ ।
ମୁଁ ନାରୀ!
ମୋ ପାଖେ ଜ୍ଵାଳା ଅଛି ଯନ୍ତ୍ରଣା ବି ଅଛି
ହେଲେ,
ଭଲ ପାଇବା ବାଣ୍ଟି ବାର
ସୁନ୍ଦର ପ୍ରାୟାସ ର ସ୍ରୋତେ
ମୋ ହୃଦୟ ସଦା ଉଦ୍ବେଳୁଛି ।
ମୁଁ ନାରୀ!
ଦୁର୍ବଳା ମୁଁ ନୁହେଁ ମୁଁ ନୁହେଁ ବିଚାରା
ବଡ ବଡ ସମସ୍ୟା ସମାଧାନର
କଳା ମୋତେ ଜଣା ।
ମୁଁ ନାରୀ!
ସମସ୍ତ ଶକ୍ତିର ଆଧାର
ସୃଜନୀ ର ଗନ୍ତା ଘର
ସୃଜନ ମୁଁ କରେ
ଧ୍ଵଂସ ବି କରିପାରେ
ହେଲେ,
ସୃଜନୀକୁ ନେଇ ଆନନ୍ଦିତ ହୁଏ ।
ମୁଁ ନାରୀ ! ଆଜି ମୁଁ କହୁଛି
ମାଗିବା ମୁଁ ଭୁଲିଯିବି
ମୋ ବିଶ୍ଵାସେ ଲଢିବାର
ଉର୍ଜା ମୁଁ ଭରିବି
ମୋ ଭିତରେ ଅନ୍ୟାୟକୁ ଦେବିନି ପ୍ରଶୟ
ମୋ ହାତରେ ରଚିବି ମୁଁ
ଏ ସୁନ୍ଦର ସୃଷ୍ଟି ।
ସ୍ନେହ, ପ୍ରେମ, ମାନବତା ରଙ୍ଗେ
ରଙ୍ଗାୟିତ କରିବି ଜଗତ ।
ଅନ୍ତଃସ୍ୱତାରେ ଭରିବି
ଓ"କାରର ନାଦ
ମଣିଷ ପଣିଆ ଖାଲି ଗୁଞ୍ଜରିତ ହେବ ।
ପୁରୁଷକୁ ଦେବି ଦିଶା ଆତ୍ମ ଚେତନାର
ନାରୀକୁ କରିବି ସାଥୀ ଜିଆଁଇବି ତା ର ଆତ୍ମବଳ ।
ଶିଶୁ ମନେ ଢାଳିବି ମୁଁ ସତ୍ୟ, ଶାନ୍ତି,ମମତାର ବାରି
ମାନବତା ଧର୍ମେ ଶିଶୁ ହେବେ ବଳବନ୍ତ ।
ଦେବି ତାଙ୍କୁ ଆତ୍ମ ବଳ ଶିଖାଇବି ପ୍ରେମ
ବୁଝିବେ ପବିତ୍ର ପ୍ରେମ କେତେ ଯେ ମହାନ ।
ଶିଖାଇବି କର୍ତ୍ତବ୍ୟର ଅଙ୍ଗୀକାର ବଦ୍ଧ
ଅଧିକାର ଅର୍ଥ ବୁଝି ହେବେ ଆଗଭର ।
ଆତ୍ମାଶକ୍ତି ବୃଦ୍ଧି ପାଇଁ ଦେବି ମୁହିଁ ଆଧ୍ୟାତ୍ମ ର ବାର୍ତ୍ତା
ମୁଣ୍ଡଟେକି ଚାଲିବାକୁ ରଖିବେ କ୍ଷମତା ।
ଦେବି ମୁଁ ଭବିଷ୍ୟତକୁ ସ୍ଵତନ୍ତ୍ର ଆସନ
ମୋ ସ୍ପର୍ଶରେ ଏହି ସୃଷ୍ଟି ହେବ ମହୀୟାନ ।