ନାଲିରକ୍ତ
ନାଲିରକ୍ତ
ସବୁ ମଣିଷଙ୍କ ରକ୍ତ ରଙ୍ଗ ନାଲି
ଶିରା ପ୍ରଶିରାରେ ବହୁଛି
ସବୁ ମଣିଷତ ଅଟନ୍ତି ସମାନ
ସେହି ନାଲିରକ୍ତ କହୁଛି ।
ଜାତି ଧରମର ଭେଦଭାବ ସବୁ
ମଣିଷ ତିଆରି କରିଛି
ଛୋଟିଆ କଥାକୁ ଗଣ୍ଠି କରି ସେତ
ରକତରେ ହୋଲି ଖେଳୁଛି ।
ସବୁ ମଣିଷ ତ ପ୍ରଭୁଙ୍କ ସନ୍ତାନ
ସବୁ ଧର୍ମେ ଲେଖା ହୋଇଛି
ସବୁ ବୁଝି ପୁଣି ଏ ମଣିଷ କିଆଁ
ମଣିଷ ପଣିଆ ଭୁଲୁଛି !
ଛୁଆଁ ଅଛୁଆଁ ର ଭେଦଭାବ ଆମ
ସମାଜ ଉଜାଡି ଦେଉଛି
ସମ୍ପ୍ରତି ସଦ୍ଭାବ ଗଉରବ ଆମ
କିଏବା ସେକଥା ଭାବୁଛି!
କେତେ ଦେଶ ଭକ୍ତ ତାଙ୍କ ନାଲି ରକ୍ତେ
ମାଟିକୁ ଭିଜେଇ ଦେଇକି
ବିଦେଶୀ ମାନଙ୍କୁ ଦେଶରୁ ହଟେଇ
ସ୍ବାଧୀନତା ଗଲେ ଦେଇକି ।
ନାଲିରକ୍ତ ଭିଜା ସେହି ମାଟିକୁତ
ଚନ୍ଦନ ପରିକା ନାଇକି
ଜାତି ଧରମର ଭେଦଭାବ ସବୁ
ଦେବା ଆସ ଆମେ ଟାଳିକି ।,