ମାଟି ଦିଏ ପରିଚୟ
ମାଟି ଦିଏ ପରିଚୟ
କିଏ ସେ ବୁଝିବ ମାଟିର ମହତ୍ତ୍ୱ
ଦେବବା କିଏ ତା' ମୂଳ
ମାତୃଭୂମି ଆମ ମାଟି ପରା ଅଟେ
ସବୁ ତା' ଆଗେ ଅମୂଳ ।
ଗୁଳି ହୋଇ ପୁଣି ଏମାଟି ଦେହରେ
ଶିଶୁ ଟି ଆନନ୍ଦ ଭଲେ
ପିଲାଦିନ ଧୂଳି ଖେଳର ଜୀବନୀ
ମନେ ରଖିଛନ୍ତି ସଭେ ।
ଏ ମାଟି ପାଇଁ କି ବୀର ଯବାନର
ଅଟଇ ପରା ସମ୍ମାନ
ଜୀବନକୁ ତା'ର ଖାତିର ନ କରି
ରଖଇ ମାଟିର ମାନ ।
ଏ ଦେଶର ମାଟି କୁମ୍ଭାର ପାଇଁ କି
ଅଟଇ ଯେ ଭାତ ହାଣ୍ତି
ଭରେ ତା'ଜୀବନ ଏ ମାଟି ଦେହରେ
କିଏ ସେ ଦେବବା ଭଣ୍ଡି ।
ମାଟିର ଶରଧା କୃଷକ ଟେ ପାଇଁ
ରହିଛି କେଉଁ କାଳରୁ
ବରଷା ମାଟିର କାଦୁଅ ପାଣିରେ
ଫଳାଏ ଯେ ଶସ୍ଯ ତରୁ ।
ଗୃହିଣୀ ଟିଏତ ମାଟିର ଆଦରେ
ମାଟି କାନ୍ଥ ଲିପୁଥାଏ
କେତେ ମନୋରମ ଝୋଟି ଚିତା ଅଙ୍କି
ସଭିଙ୍କ ର ମନ ମୋହେ ।
ପାର୍ଥିବ ନିଶ୍ବାସ କି ଅବା ବିଶ୍ୱାସ
ନିଏ ସେ ଦିନେ ବିଦାୟ
ଏ ମାଟିର ଦେହେ ମାଟିରେ ମିଶିଣ
ମାଟି ଦିଏ ପରିଚୟ ।