ମାସ ଆରମ୍ଭ

ଦରମା ଆଜି ଆସିବ ବୋଲି

 ମନ ହେଲା କନକନ

ରବିବାର ଦିନ ଘରଣୀକୁ ନେଇ

ବୁଲିବି ନନ୍ଦନକାନନ   ॥

ଧଉଳି ଯିବି ମୁଁ ରାଜରାଣୀ ଯିବି

ବୁଲିଯିବି ଖଣ୍ଡଗିରି 

ମନ ଭରି ସୁସ୍ୱାଦୁ ଖାଇବା ଖାଇବୁ

ବୁଲିବୁ ଯେ ଘିରିଘିରି  ॥

ମନ ଭରି ମୁହିଁ ସପିଙ୍ଗ୍ କରିବି

ଦେଖିବି ଯାଇ ସିନେମା

ଝିଅ ମୋ କହିଛି ଆଣିବା ପାଇଁକି

ନୂଆ ନୂଆ କେତେ ଜାମା ॥

ଣ୍ଟୁ କିନା ଏକ ଶବଦ ଆସିଲା 

ଦେଖିଲି ମୋ ମୋବାଇଲି

ଦରମା ଆସି କ୍ରେଡିଟ ହୋଇଲା 

ଦେଖି ଟିକେ ହସି ଦେଲି ॥

ପୁଣି ଟିକିଏ ଦେଖିଲା ବେଳକୁ 

ଆସିଲା ଏକ ମେସେଜ 

ତିନି ଲକ୍ଷ ଟଙ୍କା ଲଟେରି ଜିତିଛ 

ଲକ୍ଷପତି ହେବ ଆଜ ॥

ମନ ମୋର ପୁରା ଖୁସିରେ ନାଚିଲା

ଭାବିଲି ସବୁ ସ୍ୱପ୍ନ ହେବ ପୁରା

ଘରଣୀ ପାଇଁକି ହାର କିଣିଦେବି

ଗୋଲାପ ସାଥିକୁ ଗଜରା ॥

ଲିଙ୍କରେ ତାର କ୍ଲିକ୍ ମାରିଲି

ମନେ ମନେ ହୋଇ ଖୁସି

ଆକାଉଣ୍ଟରୁ ମୋର ସବୁ ଚାଲିଗଲା

ବାଡିରେ କାନ୍ଦୁଛି ବସି ॥