ଲୁହ ନଈ
ଲୁହ ନଈ
ଲୁହ ନଈ ବୁହେ
ଦୁଃଖେ ସବୁରିର
ଏହି ତ ଦୁନିଆ -ଜୀବନର ।
ସୁଖରେ ନ ବୁହେ
ଲୁହ ନଈ କେବେ
ମିଛ ମାୟା ଏହି ସଂସାର ର ।
ନାଚିଉଠେ ତାର
ପରାଣ ପୁରୁଷ
ଅବାରିତ ଚକ୍ଷୁ ଲୁହେ ।
ଲୁହ ନଈ ଭାସେ
ନିଜ ହୃଦୟର
ଅବିଶ୍ରାନ୍ତ ନିଜ କୋହେ ।
ଶତ ଦୀନତାର
ମଳିନତା ଭଜେ
ଅନ୍ଧାର ଝଲକେ ଲୟ।
ଦୀନ ଜୀବନରେ
ଲୁହ ନଈ ତୀର
ହୁଏ ନାହିଁ ସୁଖମୟ ।
ଲୁହ ନଈତୀରେ
ତୀର ତରୁ ପରି
ଦେଖୁଅଛି ଦୁଃଖ ବସି ।
ବୋହିଯା ବୋହିଯା
ଚକ୍ଷୁ କୋଣୁ ମୋର
ମୁଖେ ଗାଲ ଓଷ୍ଠୁ ଖସି ।
ଛଳ ଛଳ ଛଳ
ଏ ନେତ୍ର ଯୁଗଳ
ବହେ ଲୁହନଈ ହୋଇ ।
କ୍ରନ୍ଦନର ଧରା
ରେ ଆଜି ତ୍ବରା
ଜୀବନେ ଯନ୍ତ୍ରଣା ଦେଇ ।
ଜୀବନର ଅନ୍ୟ
ନାମ ହିଁ ଯନ୍ତ୍ରଣା
ସୁଖ କାହାରି ତ ନାହିଁ ।
ଯନ୍ତ୍ରଣାକୁ ସହି
ମନ୍ତ୍ରଣା କରିଲେ
ଲୁହ ନଈ ବହେ ନାହିଁ ।