ଲାଗିଲା ଭାରି ଭଲ

ଖରା ଦିନରେ ଥଣ୍ଡା ଜିନିଷ

ଖାଇବା ଭାରି ମଜା

ଆଇସିକ୍ରିମି ଖାଇବ କିଏ 

କହିଲେ ମୋର ଅଜା ।

ଦାଣ୍ଡକୁ ଯାଇ ବୁଲି ଦେଖିଲୁ

ନାହିଁ ତ ବିକାଳୀ କେହି

ଅଜାଠୁ ଠକ ଏଇ ଗାଆଁ ରେ

କିଏ ହୋଇବେ ନାହିଁ ।

ଅଜା କହିଲେ ବ୍ୟସ୍ତ ହୁଅନା

କରିବା ଘରେ ଆଜି

ନଡ଼ିଆ କ୍ଷୀର ଚିନି ଆଣିଛି

କାଜୁକୁ ଟିକେ ଭାଜି ।

ଏକାଠି କରି ସବୁ ଜିନିଷ 

ଫ୍ରିଇଜି ଖୋଲି ଦେଇ

ଛାଞ୍ଚ ଭିତରେ ଢାଳିଲେ ତାକୁ

କାଠି ରଖିଲେ ନେଇ ।

ଖୁସି ମନରେ ଚାହିଁ ବସିଲୁ

ଖାଇବୁ ଆମେ ବୋଲି 

ଦୁଇ ଘଣ୍ଟାରେ ଖୋଲି ଦେଖିଲୁ

ହୋଇକି ଠେଲାଠେଲି ।

ଅଜା କହିଲେ ହୋଇନି ଜମା

ଆଇସିକ୍ରିମ କାହିଁ

ଶୁଖିଲା ମୁହଁ କରି ଖୋଜିଲୁ

କାରଣ କଣ ପାଇଁ ।

ଦେଖିଲା ଭାଇ ଫ୍ରିଇଜି ତାର

ଲାଗିଛି ବୋର୍ଡରେ

ସୁଇଚି କିନ୍ତୁ ବନ୍ଦ ଅଛି

କହିଲା ସିଏ ଦୁଃଖରେ ।

ମୁଣ୍ଡରେ ହାତ ଦେଲେ ମୋ ଅଜା

କେଡେ କଥା ମୁଁ କଲି

ସୁଇଚି ମାରି ଦେବା ପାଇଁକି

କେମିତି ଭୁଲି ଗଲି ।

ସୁଇଚି ମାରି ପୁଣି ଚାହିଁଲୁ

ଆହୁରି ଦୁଇ ଘଣ୍ଟା

ଆଇସିକ୍ରିମ ବାହାର କରି

ହୋଇଲା ଭାଗବଣ୍ଟା ।

ଖୁସି ମନରେ ଖାଇଲୁ ମିଶି

ଲାଗିଲା ଭାରି ଭଲ

ଅନେକ ଥର କରିବା ଅଜା

ଥିଲେ ଟି ଖରାକାଳ ।