ଖେଳିବା ଆସ

ଖେଳିବା ଆସରେ ରୁନୁ ଟୁନୁ ମୁନୁ

       ଖୋଖୋ କବାଡି ଦଉଡ଼

ଶରୀର ଆମର ସୁସ୍ଥ ରହିବ

       ଆମେ ଏ ଦେଶର କଢ     l

ଫୁଲ ହୋଇ ଆମେ ଫୁଟିବା ଦିନେ 

      ଦେଶ ପାଇଁ ଆମେ ଖେଳିବା

ବାସ ଚହଟାଇ ଖେଳ କୁଦେ ଆମେ

       ଦେଶର ନାଁ ସତେ ରଖିବା  l

ହକି କ୍ରିକେଟ ଆଉ ଭଲିବଲ ପାଇଁ

        ଆମେରେ ସମୟ ଦେବା 

ପରିଶ୍ରମ କରି ଜିତିବା ଆମେ

      ସବୁଥିରେ ମେଡାଲ ଆଣିବା  l

ଅଲମ୍ପିକ ରେ ଭାଗ ନେବାପାଇଁ

         ଆମେ ଅଭ୍ୟାସ କରିବା

ଏଥେଲେଟ୍ସ ରେ ଜୟଯୁକ୍ତ ହୋଇ

          ସ୍ଵର୍ଣ ପଦକ ଜିତିବା  l

 ଖେଳିଲେ ଖେଳ ଶରୀର ସୁସ୍ଥ ରୁହେ

          ଏହା ବୈଜ୍ଞାନିକଙ୍କ ମତ

ଅବ୍ୟାସ ବଳରେ ଜିତିବା ଆମେ

        ଏହା ଅଟେ ନିରାଟ ସତ୍ୟ  l

ଆଗରୁ ପିଲାଏ ଖେଳୁ ଥିଲେ ପରା

           ବାହାରେ ପଡିଆରେ

ଏବେ କିନ୍ତୁ ପିଲେ ମୋବlଇଲ ରେ ବାୟା

          ଖେଳୁଛନ୍ତି ଘରେ ଘରେ  l

ଶରୀର ଅସୁସ୍ଥ ଏଥି ପାଇଁ ସତେ

          କାହାକୁ କଣ ବା କହିବା

ଖେଳ କୁଦ ସତେ କେତେ ଯେ ଜରୁରୀ

           ଆସ ସମସ୍ତେ ଜାଣିବା l