କାକର ବୁନ୍ଦା

ତୁମେ ସଜଫୁଲ 

ଆଉ ମୁଁ କାକର ବୁନ୍ଦା

ମୁଁ ଥିଲେ କି ନଥିଲେ

ତୁମର ସୁନ୍ଦରତା କେବେ 

ପ୍ରଭାବିତ ହେବ ନାହିଁ ।

କିନ୍ତୁ ତୁମେ ନଥିଲେ

ହୁଏତ ମୋର ସୋନ୍ଦର୍ଯ୍ୟର

କୌଣସି ଅସ୍ତିତ୍ବ ରହିବ ନାହିଁ ।

ତୁମେ ସକାଳୁ ଫୁଟି

ନିଜ ସୁନ୍ଦରତା ରେ 

ଅନ୍ୟକୁ କିଛି ସମୟ ଆକର୍ଷିତ ଧରିବ

ଆଉ ମୁଁ କିଛି ସମୟ

ତୁମ ପାଖରେ ରହିଲେ

ତୁମେ ମୋ ପ୍ରେମ କୁ ଅନୁଭବ କରିବ ।

ତୁମେ ଅପେକ୍ଷା କରିବ 

ସକାଳର ସୂର୍ଯ୍ୟ କୁ ପ୍ରତିଦିନ

ଆଉ ମୁଁ ଅପେକ୍ଷା କରିବି 

ଶୀତୁଆ ସକାଳକୁ

ବର୍ଷରେ କିଛି ଦିନ ।

ଜାଣିନି କିଏ ଭାଗ୍ୟବାନ

ତୁମେ ନା ମୁଁ

ମୋ ସହ ଥିଲେ ମଧ୍ୟ 

ତୁମେ ସେଇ ଫୁଲ ହିଁ ରହିବ

କିନ୍ତୁ ତୁମ ସହ ମୁଁ ଥିଲେ

ମୁକ୍ତା ସହ ମୋର ତୁଳନା ହେବ ।