Library
Profile
କାହାକୁ କହିବି
କାହାକୁ କହିବି
କାହାକୁ କହିବି
ରମେଶ ଚନ୍ଦ୍ର ମିଶ୍ର
କାହାକୁ କହିବି ଆଉ
କାହିଁକି କହିବି
ଏତେ ଦୁଃଖ କାହିଁକି ଦଉଚୁ
ମୁଠା ମୁଠା ଅଗ୍ନିକଣା
ଗ୍ରହ ଗ୍ରହାନ୍ତରୁ ଆଣି
ହୃଦୟ ଦହୁଚୁ
ଜୀବନର ପ୍ରତି ପଦେ
ଏ କେଉଁ ଶୃଙ୍ଖଳ
ଅକ୍ଟୋପାଶ୍ ପରି ଛନ୍ଦିଦିଏ
ମୁକୁଳିବାକୁ ଚେଷ୍ଟା କଲେ
ଆହୁରି ଯୋର୍ ରେ
କଷି ହୋଇ ବାନ୍ଧିହୋଇଯାଏ ।
ପ୍ରତିରୋଧ ପାଇଁ ତୁଣ୍ଡୁ
ସବୁ ଭାଷା,
ଚୋରାଇ ନେଇଚୁ
କାହାକୁ କହିବି ଆଉ
କାହିଁକି କହିବି
ଏତେ ଦୁଃଖ କାହିଁକି ଦଉଚୁ
କେଉଁ ଜନ୍ମ ଜନ୍ମାନ୍ତର
ମହାପାପ ଫଳେ
ଆସିଛି ମୁଁ ଏ ଧରାକୁ ଧାଇଁ
ପ୍ରାୟଶ୍ଚିତ ମହାଯଜ୍ଞ
ଆଉ କେତେ ବାକି
ଏଯାଏଁ କି ପୂର୍ଣ୍ଣ ହୋଇନାହିଁ
ତେବେ କିଆଁ ସବୁ ପାପ
ଅନୁତାପ ଧୁଏ
ମିଛଟାରେ ପ୍ରଚାର କରିଚୁ
କାହାକୁ କହିବି ଆଉ
କାହିଁକି କହିବି
ଏତେ ଦୁଃଖ କାହିଁକି ଦଉଚୁ
ତୁ ତ ଅନ୍ତରେ ଥାଇ
ଭାବନା ଜନ୍ମାଉ
ମୋହ ମାୟା ପାଶ କାଟିବାକୁ
ମନ ବୁଦ୍ଧି ଦୃଢ କରି
ଶକ୍ତି ଓ ସାହସ
ହେଳାକରୁ କାହିଁକି ଦେବାକୁ
ପାର୍ଥିବ ବସ୍ତୁରେ ମୋର
କାମନା ତ ନାହିଁ
ଶକ୍ତି ଦେଏ ଆଉ କି ଭାବୁଚୁ
କାହାକୁ କହିବି ଆଉ
କାହିଁକି କହିବି
ଏତେ ଦୁଃଖ କାହିଁକି ଦଉଚୁ ।
