ଜୟ ଜୟ ଜଗନ୍ନାଥ

ଜୟ ଜୟ ଜଗନ୍ନାଥ ଜଗତ ଜୀବନ l

ଜୟ ଜଗବନ୍ଧୁ ଜୟ ଆରତ ଭଞ୍ଜନ ll

ଧନ୍ୟ ତୁମ୍ଭର ମହିମା କୃପାପାରାବାର l

ବର୍ଣ୍ଣି କେ ପାରିବ ଧରି ମାନବ ଶରୀର ll

ଭକତ ବତ୍ସଳ ବାନା ଅନ୍ତର୍ଯ୍ୟାମୀ ହରି l

ଲୀଳା ଅବତାର ମର୍ତ୍ତ୍ୟବୈକୁଣ୍ଠ ବିହାରୀ ll

ବେଦ ପୁରାଣ ବର୍ଣ୍ଣନେ ହେ କଳା ଶ୍ରୀମୁଖ l

ଗୁଣସୀମା ତୋ ମହିମା ହେଲେ ଶତମୁଖ ll

କରୁଣା ବରୁଣାଳୟ ହେ କୃପା ନିଧାନ l

ଦେବ ଯକ୍ଷ ରକ୍ଷ ନର ଚରଣ ବନ୍ଦନ ll

ତିଳେମାତ୍ର ନପାଇଲେ ତୋହର କରୁଣା l

ହଲି ନ ପାରଇ ବୃକ୍ଷେ ପତ୍ରଟିଏ ସିନା ll

ଜଗତ ଗୁରୁ ଭଗତ ବାଞ୍ଛା କଳ୍ପତରୁ l

କୈବର୍ତ୍ତକ ପାରିକରୁ ଭଵ ବାରିଧିରୁ ll

ପଙ୍ଗୁ ଲଙ୍ଘିଯାଏ ଗିରି ଅନ୍ଧ ଲଭେ ଦୃଷ୍ଟି l

ଜଗତ କରତା ପ୍ରଭୁ ଧନ୍ୟ ତୋର ସୃଷ୍ଟି ll

ହେ ଆନନ୍ଦ କନ୍ଦ ପ୍ରଭୁ ଆହେ ଆଦିକନ୍ଦ l

ତଵ ନାମାବଳୀ ମୋର ହୃଦେ ରଚୁ ଛନ୍ଦ ll

ତଵ ଗୁଣ ଗୁଣି ନାଥ ଯାଉ ମୋର ପ୍ରାଣ l

କୃପା କର ଜଗନ୍ନାଥେ ଶ୍ରୀ ଚକାନୟନ ll