ଜୀବନ ର ମାନେ

ହାତ ପାପୁଲିରେ ଛୁଇଁବାକୁ ଜହ୍ନର କାକର ଭିଜା ରାତି

ସେ ରାତିକୁ ପାରେନା ସହି ଅନୁସନ୍ଧିତ୍ସୁ ଇଚ୍ଛା

ଅଭିମାନର 

ପ୍ରଶାନ୍ତ ମୁହୂର୍ତ୍ତରେ ଆବୋରି ନିଏ ଖିଆଲି ଋତୁମାନଙ୍କୁ

ମନ ଅଗଣାରେ ବାରମାସ 

ଜୀବନର ହା ହୁତାସରେ ଡହଳ ବିକଳ ପ୍ରାଣ ଖୋଜେ ଚଇତିର ମିଠା ହସ

ଟିକେ ଆଦର ପଣ

ଉଚ୍ଛୁଳା ନଈଟା ନିରବତାର ପାଦ ସ୍ୱରରେ ଚହଲି ଯାଏ

 ଆଖିରେ ଆଖିଏ ଲୁହ ଜାକି

ଲୁହ ପୋଛିବାର ଅଭିନୟ

କେବେ କେମିତି ରାସ୍ତାର ମୋଡ଼ 

ସରିଆସେ ପାହାଡ଼ର ଧୂସର ପଣଠୁ ନିଜକୁ ଦୂରେଇ

ଆଞ୍ଜୁଳାଏ ପାଣିରେ ଖୋଜି ହୁଏ ସୁନେଲି ସ୍ୱପ୍ନ

ଏମିତି ବି ଭାରି ନିଜର ଲାଗେ 

ନିଜକୁ ନିଜଠୁ ଚୋରେଇବାରେ

ଜୀବନର ମାନେ ଆଉ କଣ କି??