ଜହ୍ନ ରାତି
ଜହ୍ନ ରାତି
ଦଗା ଦିଆ ଜହ୍ନ ରାତିରେ
ପ୍ରେମ ସିନା ହୋଇଗଲା ତୁମ ସାଥିରେ
ମୁଁ କିନ୍ତୁ ଫେରିଗଲି ମୋ ଜହ୍ନି ଫୁଲ ଧରି
କୁମାର ପୁନେଇଁରେ ଜହ୍ନକୁ
ତୁମ କଥା କହି କହି
ଜହ୍ନ ଗୀତ ଗାଇ ଗାଇ !
ହେ ! ସେ କଣ ପ୍ରେମ ଥିଲା ! ??
ତୁମେ ଜହ୍ନ ପରି ଲାଗୁଥିଲ କି ଜହ୍ନ ତୁମ ପରି ??
ମୁଁ ଜାଣେନା ଦୁହେଁ କିନ୍ତୁ ଭାରି ସୁନ୍ଦର
ମୁଁ ଆଉ କଣ ବା କରିଥାନ୍ତି। !
ପ୍ରେମ କଣ ବୁଝି ବିଚାରି କରିହୁଏ !
ନା ନା କେବଳ କରିହୁଏ
ମନ ହାରି ହୃଦୟ ହାରି
ନିଜକୁ ବାଜି ଲଗେଇ
ଟିକିଏ ତୁମକୁ ଟିକିଏ ତୁମ ପ୍ରେମକୁ
ପାଇବାରେ ହରେଇବା
ପୁଣି ହରେଇ ଫେରି ପାଇବା
ଏଇ ଯେମିତି ପ୍ରତି ବର୍ଷ ଏ ଜହ୍ନ ଆସେ !!
ସ୍ତୁତିରେଖା ମିଶ୍ର