Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

Panchanan Jena

Fantasy

3  

Panchanan Jena

Fantasy

ଜାଣି ବି ଅଜଣା

ଜାଣି ବି ଅଜଣା

1 min
4



ବସନ୍ତ ଠିକଣା ବଉଳକୁ ଜଣା

କୋଇଲିର କୁହୁ ନିମନ୍ତ୍ରଣ

ଆମ୍ବତୋଟା ମାଳ ମହୁମାଛି ଖେଳ

ନାଲି କାଇଙ୍କର ଖୋଲା ଆମନ୍ତ୍ରଣ ।


ଛାଇର ଠିକଣା ଆଲୁଅରେ ବଣା

ଲୁଚକାଳି ଖେଳ ଚିରାଚରିତ

ଆଖିର ଠିକଣା ଲୁହର ଅଗଣା

ଆକ୍ତାମାକ୍ତା ଚିର ପରିଚିତ ।


ନଈର ଠିକଣା ସାଗର ଗରଭ

ଲୁଣିଆ ହେଲେବି ବାସେ

ଶ୍ରାବଣ ଠିକଣା ବିଜୁଳିକୁ ଜଣା

କାଦୁଅ କଲେବି ରସେ ।


ମୁକ୍ତାର ଠିକଣା ଶାମୁକା ଭରଣା

ସ୍ଵାତୀ ନକ୍ଷତ୍ରକୁ ଖୋଜେ

ଅନନ୍ତ ମିଳନ କ୍ଷରିଲେ ବୁନ୍ଦନ

ମୋତି ଅଙ୍କୁରେ ମଉଜେ ।


ସୁବାସ ଠିକଣା ପ୍ରସୁନ ବରଣା

ପ୍ରଭଞ୍ଜନ ତାଳେ ଉଡ଼େ

ମନର ପାଉଣା ହୃଦୟକୁ ଜଣା

ନିତି କୁତୁକୁତୁ ମାଡ଼େ ।


ଜ୍ୟୋସ୍ନାର ଠିକଣା ଜହ୍ନକୁ ହିଁ ଜଣା

ପୂର୍ଣ୍ଣମୀ ତିଥିରେ ପୂର୍ଣ୍ଣେନ୍ଦୁ

ଆକାଶ ଠିକଣା ତାରାଙ୍କ ଅଗଣା

ରାତ୍ରିପଥେ ଫୁଟେ ବିନ୍ଦୁ ବିନ୍ଦୁ ।


ଛାତିର ଠିକଣା ସ୍ପନ୍ଦନକୁ ଜଣା

ଅବର୍ଣ୍ଣନୀୟ ସେ ପ୍ରୀତି

ଓଠର ଠିକଣା ହସକୁ ହିଁ ଜଣା

ବିମ୍ଵ ପରି ରଚେ ରତି ।


ଷୋଡ଼ଶୀ ଠିକଣା ଭ୍ରମରକୁ ଜଣା

ଘୁରିବୁଲେ ଛତ୍ରେ ଛତ୍ରେ

ପ୍ରେମୀକା ଠିକଣା ପ୍ରେମୀକକୁ ଜଣା

ବିବାହ ପରେ ବି ମାତ୍ରେ ।


ଜୀବନ ଠିକଣା ଶ୍ମଶାନକୁ ଜଣା

କୋକେଇରେ ବନ୍ଧା ପଡ଼ିଛି

ମୃତ୍ୟୁର ଠିକଣା ମଣିଷେ ଅଜଣା

ଜାଣି ବି ଅଜଣା ଧାଉଁଛି ।


Rate this content
Log in

Similar oriya poem from Fantasy