ହେ ପ୍ରଭୁ, ମୁକ୍ତି ଦିଅ
ହେ ପ୍ରଭୁ, ମୁକ୍ତି ଦିଅ
ଜଗନ୍ନାଥ ପ୍ରଭୁ ପାଦପଦ୍ମ ରସ
ବ୍ୟାକୁଳ ଜନତା ଆକୁଳ ମହେଶ ।
ଜଗନ୍ନାଥ ନାମ ଅମୃତ ସମାନ
ନାମ ଜପ ମୁକ୍ତି ସଂସାର ବନ୍ଧନ । ୧
ସର୍ବଧର୍ମ ତେଜ ଜଗନ୍ନାଥ ଭଜ
ଚରଣେ ଶରଣ ଭକ୍ତି ଭାବେ ମଜ୍ଜ ।
ବ୍ରହ୍ମା ହର ରୂପ ପ୍ରଭୁ ନରହରି
ଧର୍ମ ସଂସ୍ଥାପନ ଅଧର୍ମ ସଂହାରି । ୨
ଜଗନ୍ନାଥ ପ୍ରଭୁ ସଂସାର ନାୟକ
ପ୍ରକାଶ ଉତ୍ସବ ସର୍ବତ୍ର ଆଲୋକ
ସୂର୍ଯ୍ୟ ଚନ୍ଦ୍ର ତାରା ଆଲୋକିତ ଧରା
କୋଟି ସୂର୍ଯ୍ୟ ସମ ଜଗନ୍ନାଥ ଧାରା । ୩
ଜୟ ଜଗନ୍ନାଥ ଜନ ଲୋକପାଳ
ଜଗତ ଜନକ ଜନନୀ ସକଳ ।
ନଭ ଭୂମି ଜଳ ବ୍ୟାପ୍ତ ଜଗନ୍ନାଥ
ନାମ ସୁମରଣ ଅଖଣ୍ଡ ବିମୁକ୍ତ । ୪
-ଶ୍ରୀ ଅଖଣ୍ଡ, ଦୀକ୍ଷା ମିଶନ, ପିପିଲି, ପୁରୀ