ସେ ହିଁ ପ୍ରଥମ, ସେ ହିଁ ଶେଷ
ସେ ହିଁ ପ୍ରଥମ, ସେ ହିଁ ଶେଷ
1 min
297
ପରମ ପ୍ରଥମ ପ୍ରଭୁ ଜଗନ୍ନାଥ
ସକଳ ସଂସାର ଆଦି ମଧ୍ୟ ଅନ୍ତ ।
ସ୍ୱୟଂ ପ୍ରକାଶିତ ନିତ୍ୟ ସନାତନ
ଶ୍ରୀମନ୍ଦିର ଶୋଭା ପତିତପାବନ ।୧
ଅଧୀର ଅସ୍ଥିର ଚଳ ନର ମନ
ଅଟଳ ଅଚଳ ଜଗନ୍ନାଥ ଧ୍ୟାନ
ସର୍ବଜୀବ ଈଶ ଜଗତ ଠାକୁର
ମାୟାରୂପୀ ସୃଷ୍ଟି ସକଳ ସଂସାର । ୨
ଜଗତ ପାଳକ ଜଗତ ତାରକ
ତ୍ରିଗୁଣ ବିହାରୀ ଲୋକ ଉଦ୍ଧାରକ ।
ଜଗନ୍ନାଥ ନାମ ଏକା ଏକ ଧର୍ମ
ଭଜନ କୀର୍ତନ ଭକ୍ତ ଜନ କର୍ମ । ୩
ହୃଦୟ କନ୍ଦରେ ଈଶ୍ୱର ଆସ୍ଥାନ
ପ୍ରଭୁରୂପୀ ଆତ୍ମା ଆତ୍ମାରେ ଦର୍ଶନ
ଜନ୍ମମୃତ୍ୟୁ ମୁକ୍ତି ସାଧୁସନ୍ଥ ଜନ
ଜଗନ୍ନାଥ ନାମ ଅଖଣ୍ଡ ଭଜନ । ୪
-ଶ୍ରୀ ଅଖଣ୍ଡ, ଦୀକ୍ଷା ମିଶନ, ପିପିଲି,ପୁରୀ