ହେ ଲୌହମାନବ

ହେ ଲୌହମାନବ  ସର୍ଦ୍ଦାର ପଟେଲ 

       ଦେଖୁଛ କି ଦୂରେ ଥାଇ, 

ତୁମ ଜନ୍ମ ଲଗ୍ନ    ପାଳୁଛି ଏ ଦେଶ 

       ଆନନ୍ଦ ଉଲ୍ଲାସ ନେଇ

   

(ତଥାପି) ଝୁରନ୍ତି ଭାରତ ବାସୀ 

      ଗୁଣି ତୁମ ଗୁଣରାଶି, 

ଜାତୀୟ ଏକତା   ଦିବସ ପାଳନ୍ତି 

      ତୁମ ସ୍ମୃତି ହୃଦେ ଧ୍ୟାୟି

ଭାରତ ର ପ୍ରତି   ଜନତା ର ପ୍ରାଣେ 

       ତ୍ୟାଗ ର ପ୍ରତୀକ ହୋଇ, 

ଏତେ ସ୍ୱାର୍ଥତ୍ୟାଗୀ  ମଣିଷ ଟେ ଥିଲ 

       କି ମନ୍ତ୍ର ଦେଲ ଶୁଣାଇ

       ଆବାଳ ବୃଦ୍ଧବନିତା 

       ଶୋକେ ହୋଇ ଜର୍ଜରିତା

ପାଳୁଛନ୍ତି ତୁମ    ଜନ୍ମ ଦିବସ କୁ 

      ଏକତା ଶପଥ ନେଇ

ଭାରତ ର ଭାଗ୍ୟ    ଆକାଶ ରେ ତୁମେ 

         ଅସ୍ତମିତ ରବି ସାଜି, 

ନୂଆ ସକାଳ ର   ଆଲୋକ ବିଛାଇ 

        ଅମର ହୋଇଛ ଆଜି

       ହିଂସା ଦ୍ୱେଷ ଦୂରକରି 

      ଶାନ୍ତି ର ପ୍ରତିଷ୍ଠା କରି 

ଦେଶ ଆଉ ଜାତି   ପାଇଁ ହେ ପୁଣ୍ୟାତ୍ମା 

        ସଂହତି ବାଜା ବଜାଇ

ଅବତରି ଆସ     ହେ ମହାନାୟକ 

       ତୁମେ ଧର୍ମାତ୍ମା ମଣିଷ, 

ଭାରତ ର ଦ୍ଵିତୀ    ସ୍ରଷ୍ଟା ହେ ପଟେଲ 

       ଦିଅନ୍ତୁ ଶୁଭ ଆଶିଷ

     ତୁମରି ଆଶିଷ ପାଇ 

     ତୁମରି ନୀତିରେ ଯାଇ 

ତୁମ ଆଦର୍ଶ କୁ     ମୂଳ ମନ୍ତ୍ର କରି 

      ଏକତା ରହୁ ବଜାୟୀ