ହେ କୃଷ୍ଣ! ଅାଉଥରେ ଜନ୍ମ ନିଅ ତୁମେ
ହେ କୃଷ୍ଣ! ଅାଉଥରେ ଜନ୍ମ ନିଅ ତୁମେ
ହେ କୃଷ୍ଣ !
ଆଉ ଥରେ ଜନ୍ମ ନିଅ ତୁମେ
ଏ ପୃଥିବୀରେ
ଭାରତ ହେଉ ବା ଆଫଗାନ୍
ବା ଅନ୍ୟ କେଉଁଠାରେ
ଫରକ୍ ନାହିଁ କିଛି
ସବୁ ତ ସମାନ ।
ମୁଣ୍ଡ ଉପରେ ବିସ୍ତୀର୍ଣ୍ଣ ଆକାଶ
ପାଦ ତଳେ ଅନ୍ତରଙ୍ଗ ମାଟି
ଫରକ୍ କଣ ରହିଛି କେଉଁଠି ? ॥୧॥
ହେ କୃଷ୍ଣ !
ଦେଖ ଦେଖ ଆଜି ତୁମେ
ଅସତ୍ୟ, ପାପ, ମିଛ ଓ ହିଂସାର
ଏକ ଅଦ୍ଭୁତ ଆସ୍ତରଣରେ
ପୃଥିବୀ ଆଜି
ଘୋର ଅନ୍ଧକାରରେ ଆଚ୍ଛନ୍ନ
ଚାରିଆଡ଼େ ଖାଲି ଭୟର ନିସ୍ତବ୍ଧତା
ଅଶ୍ରୁରେ ପୃଥିବୀର ମାଟି ଆଜି ଆର୍ଦ୍ର
ଏତିକି କଣ କମ୍ କି ?
ତୁମ ପାଇଁ ? ॥୨॥
ହେ କୃଷ୍ଣ !
ନିଷ୍ପାପ, ନିଃସହାୟ,
କରୁଣ ମଣିଷମାନଙ୍କ ପରିତ୍ରାଣ ପାଇଁ
କେତେ ଆଉ
ଅପେକ୍ଷା କରିବ ତୁମେ ?
ସମୟ ଖୁବ୍ ନିକଟ ହେଲାଣି କୃଷ୍ଣ !
ବସୁଦେବ ଘରେ ହେଉ ବା
ନନ୍ଦ ରାଜାର
ଫରକ୍ କିଛି ନାହିଁ କୃଷ୍ଣ
ଆଜି ତୁମର
ଆବିର୍ଭାବ ହେବା ନିହାତି ଜରୁରୀ
ଥରେ ବୁଝିବାକୁ ଚେଷ୍ଟା କର କୃଷ୍ଣ
ଥରେ ତ ବୁଝିବାକୁ ଚେଷ୍ଟାକର ॥୪॥
ହେ କୃଷ୍ଣ !
ଆଉ ଥରେ ଜନ୍ମ ନିଅ ତୁମେ
ବିନାଶ କରିବାକୁ ଆଜି
ଏ କଂସ ରୂପୀ ଜହ୍ଲାଦମାନଙ୍କୁ
ଯେଉଁମାନଙ୍କ ଅଟ୍ଟହାସ୍ୟରେ
ପ୍ରକମ୍ପିତ ହୁଏ
ଏ ନିରୀହ ମଣିଷଙ୍କ ହୃଦୟ
ଭିଟାମାଟି ଛାଡ଼ି
ବଞ୍ଚିବାକୁ ମଣିଷ ଲୋଡ଼େ
ଅନ୍ୟର ଆଶ୍ରୟ
ପୁଣି ଅକାରଣରେ ॥୫॥
ତୁମେ କଣ ଜାଣି ପାରୁନ କୃଷ୍ଣ ନା
ଚେଇଁ ଶୋଇବାର ଛଳନା କରୁଛ ? ॥୬॥
ତୃତୀୟ ବିଶ୍ୱଯୁଦ୍ଧ ରୂପୀ ମହାଭାରତ
ବହୁତ ଦୂରରେ ରହିଛି କୃଷ୍ଣ
ସେତେବେଳେ ସିନା ଆହ୍ୱାନ କରିବ
ସୁଦର୍ଶନକୁ
ଏବେ ତ ତୁମ ମୁଷ୍ଟିରେ
କେତେ କେତେ ଚାଣୁର ହେବେ ଭୂତଳଶାୟୀ
କଂସ ତ ଦେଖୁ ଦେଖୁ ହେବ
ସିଂହାସନଚ୍ୟୁତ
"ମଞ୍ଚରୁ ପଡ଼ି ମରିବ ମାମୁ
ତତେ ଲାଗିବନିରେ
ଅପବାଦ କାହ୍ମୁ ।" ॥୭॥
ଆ କୃଷ୍ଣ ଆ
ଶୀଘ୍ର ଆ
ଆ'ରେ କାହ୍ନୁ ଆ
ଜଗତ ଚାହିଁଛି ତତେ
କୃଷ୍ଣକୁ - କହ୍ନେଇକୁ - କାହ୍ନାକୁ
ମୁକ୍ତି ପାଇଁ ନୁହେଁରେ କହ୍ନେଇ
କେବଳ ବଞ୍ଚିବାର ପାଇଁ
ଧାରେ ବଞ୍ଚିବାର ପାଇଁ ॥୮॥