ଗୁରୁ ତୁମେ
ଗୁରୁ ତୁମେ
ଗୁରୁ ତୁମେ ମୋର ଚଳନ୍ତି ଠାକୁର
ଆତ୍ମ ବିଶ୍ୱାସର ଚାବି
ଅଜ୍ଞାନରୁ ଜ୍ଞାନ ଅନ୍ଧାରୁ ଆଲୋକ
ଦେଖାଅ ବିଶ୍ୱର ଛବି ||
ଗୁରୁ ତୁମେ ମୋର ସତ୍ୟର ମୂରତି
ନ୍ୟାୟ ଧର୍ମ ତୁମ ନିତି
ସ୍ୱାର୍ଥହୀନ ହୋଇ ଜ୍ଞାନ ବାଣ୍ଟି ଚାଲ
ଶିକ୍ଷାର୍ଥୀ ଭବିଷ୍ୟ ଚିନ୍ତି ||
ଗୁରୁ ତୁମେ ମୋର ସଖା ପୁଣି ବନ୍ଧୁ
ମନକୁ ନିଅ ମୋ କିଣି
ମୁହଁ ଦେଖି ଦେଇ ଜାଣିପାରି ଥାଅ
ଅନ୍ତର ବେଦନା ଶୁଣି ||
ଗୁରୁ ତୁମେ ମୋର ଜ୍ଞାନର ଭଣ୍ଡାର
ସହସ୍ର ପୁସ୍ତକ ମେଳି
ତୁମ ଜ୍ଞାନ ପାଇ ଅଜ୍ଞାନ ଯେ ଜ୍ଞାନୀ
କେହି ନୁହେଁ ତୁମ ଭଳି ||
ଗୁରୁ ତୁମେ ମୋର ପଥ ପ୍ରଦର୍ଶକ
କଣ୍ଟକ ପଥର ପୁଷ୍ପ
ତୁମ ସାନିଧ୍ୟରେ ଦୁବ ହୁଏ ଦ୍ରୁମ
ଜ୍ଞାନ ବିଛୁ୍ରାଏ ବାସ ||
ଗୁରୁ ତୁମେ ମୋର ପରାତ୍ମା ପୁରୁଷ
ମୋ ଜୀବନ ତୁମ ଦାନ
ମଣିଷଟେ କରି ତୁମେ ତ ଗଢିଛ
ରଖିଛି ମୁଁ ଦେଶ ମାନ ||