ଗଛଟିଏ ମୁଁ ଗଛଟିଏ

ଗଛଟିଏ ମୁଁ ଗଛଟିଏ 

ତୁମ ଅନ୍ତରଙ୍ଗ ମିତଟିଏ

ଜୀବନ ତମାମ ସ୍ଥିର ନିର୍ବିକଳ୍ପ

କରୁଛି ସାଧନା ନୀରବ ସାଧକ

ସଞ୍ଜିବୀତ କରେ ପ୍ରାଣକୁ ସତତ

ମୁଁ ଯୋଗୀ ଋଷି ତପସ୍ବୀଟିଏ ।

ଗଛଟିଏ ମୁଁ ଗଛଟିଏ 

ସବୁଜିମା ପତ୍ରେ ଭରିଥାଏ

ସଂଶ୍ଳେଷି ଆଲୋକ ଆହରେ ମୁଁ ଶକ୍ତି

ଜାତି ଜାତି ରଙ୍ଗ ସୁମନ ବିକଶି

ସୁଖଶାନ୍ତି ମନେ ଆଣିଦିଏ 

ଫୁଲଫଳ ଛାୟା ଦେଇଥାଏ ।

ଗଛଟିଏ ମୁଁ ଗଛଟିଏ 

ଜୀବନ ମୋ ପାଇଁ ଉନ୍ମେଷ ହୁଏ 

ଶୋଷି ଅଙ୍ଗାରାମ୍ଳ ଛାଡେ ଅମ୍ଳଜାନ 

ଶୁଦ୍ଧ କରେ ସଦା ବାୟୁ ପ୍ରଦୂଷଣ 

ଜୀବ ବଞ୍ଚେ ତାହା ପ୍ରଶ୍ବାସେ ଗ୍ରାହେ ।

ଗଛଟିଏ ମୁଁ ଗଛଟିଏ 

ଉପକାରୀ ତୁମ ପୂର୍ବଜ ପ୍ରାୟେ

ଆସେ ଦରକାରେ ପ୍ରତିଟି କ୍ଷେତ୍ରରେ

ତଥାପି ମୋ ପ୍ରତି ହୁଏ ଅବିଚାରେ

ଧ୍ବଂସ କଲେ ମୋତେ ପାରିବକି ବଞ୍ଚି

ନିିଜେ ପଚାର ମନକୁ ଥରଟିଏ ।।