ଈଶ୍ୱର

ତୁମେ ଏହି ସୃଷ୍ଟିର ଆଦ୍ୟ ଚିରନ୍ତନ,

            ତୁମ ଦୟା ବଳେ ମହୀ ଲଭିଛି ଜୀବନ ।

ପତର, ପତଙ୍ଗ, ଜୀବ ତୁମରି  ଯେ ଦାନ

           ତୁମ ରଚନା ରେ ଜନ୍ମି ହେଲି ଯେ ମହାନ ।

ସବୁରି ପରେ ଢାଳିଛ ତୁମ  ଆଶୀର୍ବାଦ

              ରଚିଛ ସୁନ୍ଦର ସୃଷ୍ଟି ଏ ପ୍ରାଣୀ ସମ୍ପଦ ।

ସମସ୍ତ ହୃଦୟେ ତୁମେ କରିଥାଅ ବାସ

          ତୁମେ ଯେ ଆଦ୍ୟ ଆରମ୍ଭ ତୁମେ ଅଟ ଶେଷ ।

ସବୁ ସୁଖ ରେ ଦୁଃଖ ରେ ତୁମେ ଏକା ସାଥି

           ଏ ସୃଷ୍ଟି ରଥ ରେ ତୁମେ ଏକା ମହାରଥୀ ।

ମନେ ସଦା ଭରି ତୁମ ଆସ୍ଥା ଓ ଆଶିଷ

            ଦିଗବିଜୟୀ ହୁଏ ବୀର ରଖିଯାଏ ଯଶ ।

ଏ ସାରା ସଂସାର ର ତୁମେ ଅଟ ଯେ ଶାସକ

             ତୁମରି ରଚିତ ସୃଷ୍ଟି , ତୁମରି ସେବକ ।

ତୁମ ନିୟମ ରେ ବନ୍ଧା ସମଗ୍ର ଜଗତ

            ବାଣ୍ଟିଥାଅ ସବୁ ପରେ ସ୍ନେହ ଅବିରତ ।

ଶେଷରେ କରୁଛି ମୁଁ ଏତିକି ନିବେଦନ

           ତୁମରି ଆଶିଷେ ହେଉ ଜଗତେ କଲ୍ୟାଣ ।