ଚୋର
ଚୋର
ଶଶୁର ଘରେ ଜ୍ୱାଇଁର ଭାରି ଖାତର
କୁଣିଆ ସାଜିଛି ବାହାଘରପରେ ପ୍ରଥମ ଥର l
ସୁ ସ୍ବାଦୁ ବ୍ୟଞ୍ଜନ ଭଳିକି ଭଳି
ପରସି ଦିଅନ୍ତି ସରାଗେ ମୋ ଶାଳୀ l
ବାରଣ ସତ୍ୱେ ସେନେହ କୁ ଦେଖି
ଆବଶ୍ୟକ ଠାରୁ ଅଧିକ ଦେଲି ଭକ୍ଷୀ l
ମହାନନ୍ଦରେ ମେଲାଣି ନେଲି ସେହି ଠାବୁ
ଅଧ ବାଟଟାରେ ପେଟ ରା଼ଭୂ ରା଼ଭୂ l
ଦେଖିଲି ନଇଟେ ଯାଉଛି ସେଠି ବହି
ସଞ୍ଜ ନଇଁଲାଣି ମାଛି ଅନ୍ଧାର ହୋଇ l
ଚାଦର ଖଣ୍ଡକ ଅଣ୍ଟାରେ ମୋବାଇଲ ଟର୍ଚ୍ଚ
ନଇ କୂଳକୁ ଧାଇଁଲି ହେବାପାଇଁ ଶୌଚ l
ସୁଯୋଗ କୁ ଉଣ୍ଡି ଚାହିଁଥିଲା ଚୋର
ପ୍ୟାଣ୍ଟ ସାର୍ଟ ସଙ୍ଗେ ସାଇକେଲ ମୋର l
ଭାଗ୍ୟ କୁ ଗାମୁଛା ଆଉ ମୋବାଇଲ
ରହିଥିଲା ସାଥେ ମୋର ହୋଇ ଢାଳ l
ପୋଷାକ ମୋର ଝଅଟ ଆଣି ଆସ
ଖାଲି ଦେହେ ନଇପଠାରେ ଉଡିଲାଣି ହୋସ l
ଚାଦର ଖଣ୍ଡକରେ ଠିଆ ହୋଇ ମୋର
ଇଜ୍ଜତ ଗଲାଣି ସରି ମାଡିବିନି ଶଶୁରଘର l