ବୟସର ପ୍ରଥମାର୍ଦ୍ଧ

ହୁଏତ ପହଞ୍ଚି ପାରିନି ବୟସର ଶେଷ ସୋପାନରେ

ହେଲେ ପହଞ୍ଚିଯାଇଛି ଅନୁଭବର ସେହି ଚରମ ସୀମାରେ

ଶିଖି ଯାଇଛି ଲୋକଙ୍କ ମନକୁ ପଢିପାରିବା କଳା

ନିଜେ ନିଜକୁ ସାମ୍ନା କରିବାର କୌଶଳ

ଦୀର୍ଘ ପଚିଶ ବର୍ଷ ର ପ୍ରତି ଟି କ୍ଷଣର ମୁହୂର୍ତ୍ତ 

ପ୍ରତି କ୍ଷଣରେ ଦେଇ ଚାଲିଥିବା ଅଗ୍ନି ପରୀକ୍ଷା

ସାମର୍ଥ୍ଯ ଯୋଗେଇଛି ବଞ୍ଚି ରହିବା ପାଇଁ

ଜାଣିପାରିଛି ଆଶା ଆକାଂକ୍ଷାର ମୂଲ୍ଯବୋଧ

କର୍ମର ଫଳ କେବେ ମଧୁର ତ ପୁଣି କେବେ ଗରଳ

ପରିଶେଷରେ ମିଳିଛି ଅନେକ ଅସଫଳତା

ହୁଏତ ବିଚ୍ଯୁତ କରିପାରେ କେବେକେବେ ଲକ୍ଷ୍ଯପଥରୁ

ଆଉ ସେ ଅସଫଳତା ଭିତରେ କିଛି ସଫଳତାର ଆଶା ।