Library
Profile
ବ୍ୟକ୍ତିତ୍ଵର କ୍ଲେଶ
ବ୍ୟକ୍ତିତ୍ଵର କ୍ଲେଶ
ପଣ ପଣ ରାଣ ଭାଙ୍ଗୁଛି ପ୍ରତିକ୍ଷଣ
ପଣକିଆ ପରି ଘୋଷୁଛି କ୍ଷଣ କ୍ଷଣ
କ୍ଷଣ ଭଙ୍ଗୁର ଜୀବନ
ଭୀଷ୍ମ ପ୍ରତିଜ୍ଞା ବି ଆଜି ସନ୍ଦିହାନ
ବଡ଼ ବଡ ବଡ଼ପଣ୍ଡାମାନେ
ମହାପ୍ରସାଦ ଖାଇ
ଗଙ୍ଗାଜଳ ପାଇ
ଭୂଲି ଯାଆନ୍ତି
ରାଣ ପଛର ରହସ୍ୟ
ପଣ ପଛର ପ୍ରେରଣା
କହିବା କାହାକୁ
ସବୁ ପରା ମିଛ ହୁନିଆର ଭିଆଣ
ପଣ ଭାଙ୍ଗିବାକୁ ଫଣଫଣ ଭଣଭଣ
ଯେମିତି
ଶେଷଥର ଶୋଷି ନେବି
ଛାଡିଦେବି ସାପ ବିଡ଼ି
ଶେଷଥର ଟାଣି ଦେବି
ଛାଡିଦେବି ଉଇଲସ୍ ଫ୍ଲାକ୍ ଗାରେଟ୍
ଶେଷଥର ଘଷିଦେବି
ଛାଡିଦେବି ସମଲେଶ୍ଵରୀ ଗୁଡ଼ାଖୁ
ଶେଷଥର ଢୋକି ଦେବି
ଛାଡିଦେବି ଦେଶୀ ବିଦେଶୀ ମଦିରା
ଶେଷଥର ନାଚି ଦେବି
ଛାଡିଦେବି ଡିଜେ ଆଗରେ ନାଗିନ୍ ନାଚ
ଶେଷଥର ପେଟଭର୍ତ୍ତି ଖାଇନେବି
ମାଛ ମାଉଁସ ଚିକେନ୍ ବିରିୟାନି
କାଲିର ସୁର୍ଯ୍ୟୋଦୟ
ଦେଖିବ ଅଭ୍ୟୁଦୟ
ପାଇବ ଭିନ୍ନ ଜଣେ ଭାରତୀୟ
ଶହେରୁ ଜଣେ ମାନୁଥିବ
କାହାଣେ କାହାଣେ ଦୁର୍ବଳ ଦର୍ପଧାରୀ
ନୂଆବର୍ଷ ଜିରୋ ନାଇଟ୍ ରେ
ଜନ୍ମଦିନର ଭୋରି ଭୋଜନ ପରେ ପରେ
ସମସ୍ତଙ୍କ ଦୃଷ୍ଟି ଆକର୍ଷଣ କରନ୍ତି ଭାଟକାରୀ
ଦୁର୍ବଳ ଚିନ୍ତାକଳ୍ପ ମାତ୍ର
ଇଚ୍ଛା ପ୍ରବଳ
ଚପଳ ଦୃଷ୍ଟିକୋଣ ମାତ୍ର
ଆଶା ଦୁର୍ବଳ
ତରଳ ବାକ୍ୟ ବିନୋଦନ ମାତ୍ର
ସଂକଳ୍ପ ର୍ନିବଳ
ସବୁ ବ୍ୟକ୍ତିର ଦୋଷ ନୁହଁ
ବ୍ୟକ୍ତିତ୍ଵର କ୍ଲେଶ
ମିଛ ଫୁଟାଣିର କଷଟି ନୁହଁ
ନବ କଳେବର ଦୋଷ ।
