ବକ୍ରତୁଣ୍ଡ

ଜୟ ବିନାୟକ ଜୟ ଗୌରିନନ୍ଦନ 

ଜୟ ଜୟ ଗଣନାଥ ବିଘ୍ନ ବିନାଶନ ।

ସର୍ବକାର୍ଯ୍ଯେ ସୁର ନର ପୂଜନ୍ତି ତୁମ୍ଭଙ୍କୁ

କ୍ଷଣିକରେ ନାଶକର ସକଳ ବିଘ୍ନକୁ ।

ପାଶାଙ୍କୁଶ ବରାଭୟ ଚତୁର୍ଭୁଜେ ଧରି

ଭକ୍ତଜନେ ରକ୍ଷାକର ନାଶକରି ଅରି ।

ବକ୍ର ତୁଣ୍ଡ ମହାକାୟ କୋଟି ସୂର୍ଯସମ

ନିର୍ବିଘ୍ନ କରହେ ଦେବ ସର୍ବ କାର୍ଯ୍ଯେ ମମ ।

ନଜାଣଇ ପୂଜା ବିଧି ନଜାଣଇ ଧ୍ୟାନ

କିପରି କରିବି ପ୍ରଭୁ ତବ ପୂଜାର୍ଚ୍ଚନ ।

ଦୟାକରି ହୃଦୟରେ ବିରାଜିତ ହୁଅ

ସକଳ କାର୍ଯ୍ୟରେ ପ୍ରଭୁ ସାହା ହୋଇଥାଅ।

ଶିବଙ୍କ ନନ୍ଦନ ତୁମେ କାର୍ତ୍ତିକେୟ ଭ୍ରାତ

ଡାକୁଚି ଆରତେ ପ୍ରଭୁ ଖଣ୍ଡ ହେ ଦୁରିତ ।

ସତ୍ୟ ପଥେ ଧର୍ମ ପଥେ ଘେନିଯାଅ ମତେ

ଏତିକି ପ୍ରାର୍ଥନା ନାଥ ତୁମରି ଅଗ୍ରତେ ।